Дзьмітрыя Калдуна паставілі на першае месца Ўкраіна, Расея і Ізраіль. Ён таксама трапіў у дзясятку ў большасьці малых цэнтральна- і ўсходнеэўрапейскіх краінаў ад Грэцыі да Ісьляндыі. Беларусь аддала першую пазыцыю прадстаўніку Расеі, другое — Украіны, трэцяе — Малдовы.
Сьпявак зь Беларусі заняў шостае месца на пяцьдзесят першым конкурсе «Эўрабачаньня», які сёлета праходзіць у сталіцы Фінляндыі, Хэльсынках.
Як і прадказвалася, першае месца на спаборніцтве адышло сьпявачцы з Сэрбіі Марыі Шарыфавіч. Другое заняў гумарное травэсты Верка Сярдзючка з Украіны. На трэцім месцы аказаўся расейскі праект «Серебро».
Беларусь аддала першую пазыцыю прадстаўнікам Расеі, другое — Сярдзючцы, трэцяе — Малдове.
Калдуна паставілі на першае месца Ўкраіна, Расея і Ізраіль. Ён таксама трапіў у дзясятку ў большасьці малых цэнтральна- і ўсходнеэўрапейскіх краінаў ад Грэцыі да Ісьляндыі.
Як і ў мінулыя гады, краіны пераважна аддавалі галасы сваім суседзям. Найбольш гэта праяўлялася ў былой Югаславіі, СССР і Ўсходняй Эўропе. Таксама імігранты ў розных краінах масава аддавалі галасы краінам свайго паходжаньня. Таму Партугалія прагаласавала за Ўкраіну, Ірляндыя — за Літву.
Верка Сярдзючка такі прапяяла «Раша, гудбай» замест зацьверджанага «лаша тумбай», што па-мангольску азначае «ўзьбітыя вяршкі». Аляксандар Ціхановіч, які камэнтаваў канцэрт на БТ, на гэтае хуліганства абурана заўважыў: хіба можна адной краіне так на другую сьпяваць?
21-гадовы Калдун выканаў песню «Work Your Magic» на вершы Карэна Кавалерана і музыку Філіпа Кіркорава.
Дзьмітры Калдун стаў пераможцам Нацыянальнага тэлевізійнага музычнага праекту «ЭўраФэст» паводле вынікаў фінальнага гала-канцэрту «Дарога на «Эўрабачаньне».
У мінулыя гады ўдзельнікі «Эўрабачаньня» ад Беларусі — дуэт «Аляксандра і Канстанцін», Анжаліка Агурбаш і Паліна Смолава — у фінал не прабіваліся.
Песьня Калдуна не вылучалася ні навіной, ні калярытам. Праўда, у беларускага выканаўцы ёсьць голас і плястыка, чым можа пахваліцца ня кожны ўдзельнік эўрапопшоў.
Варта адзначыць, што ў большасьці эўрапейскіх краінаў конкурсу «Эўравізіі» не надаецца такога значэньня, як у Беларусі. Гэтак. у Польшчы яго трансьляцыю звычайна глядзіць мізэрны працэнт тэлегледачоў. Дый папса не займае такога месца ў жыцьці, як у Беларусі, дзе нацыянальныя рок-выканаўцы забароненыя да трансьляцыі па галоўных радыёканалах.
Шостае месца пратэжэ Філіпа Кіркорава — гэта найбольшае дасягненьне Беларусі за чатыры гады ўдзелу ў конкурсе. Дзякуючы ягонаму пападаньню ў дзясятку найлепшых, на наступным конкурсе, які адбудзецца ў Сэрбіі, сьпявак з нашай краіны будзе выступаць адразу ў фінальным канцэрце.
Былога вайскоўца з Брэста, які вярнуўся з Польшчы, абвінавацілі ў «тэрарызме» і адправілі ў калонію6
Каментары