Аказваецца, на Алімпійскім сходзе Аляксандр Лукашэнка сказаў значна больш, чым паведамілі афіцыйныя крыніцы.
Гаворка ішла пра асабнякі, якія кіраўніцтва спартыўнай галіны будавала за скарбовы кошт, жуллё на стадыёне «Дынама», нямэтавае выкарыстанне велізарных сумаў і многае іншае.
У справаздачы пра Алімпійскі сход, апублікаванай на афіцыйным сайце прэзідэнта, апроч іншага змяшчаецца выказванне Лукашэнкі: «Я прапанаваў вам свой „дах“ у тым ліку для таго, каб вы, спартсмены, трэнеры і кіраўнікі спорту, маглі спакойна рабіць сваю справу». Пра тое, чым усё скончылася, можна даведацца з рэпартажу, апублікаванага ў нумары «Прэсбола» за аўторак.
Там прыводзіцца шэраг эпізодаў, якія ў справаздачы дзяржаўных СМІ не ўвайшлі.
— Раскажыце, Алег Леанідавіч, якія ж прычыны прывялі да такой катастрофы ў ваш перыяд кіравання, — заявіў Лукашэнка, звяртаючыся да міністра спорту Алега Качана (цяпер ужо былога). — Усё можаце расказваць: пра асабнякі, якія вы будуеце за кошт спартыўнай галіны, дарэчы, з памочнікам, можа, з адным, з другімГэта таксама, я думаю, адна з прычын катастрофы.віцэ-прэзідэнтам . Усё расказвайце! Нашым людзям цікава будзе паслухаць.
Выступ дырэктара Рэспубліканскага цэнтра алімпійскай падрыхтоўкі па конным спорце і конегадоўлі Віктара Міхадзюка кіраўнік дзяржавы праанансаваў наступным чынам:
— Зараз вам раскажа Міхадзюк, як трэба базу алімпійскай падрыхтоўкі ствараць і адначасова палацы будаваць.Давайце, калі ласка. А то міністр прамаўчаў, памочнік таксама. Можа, вы раскажаце, як пілавалі, вазілі, будавалі, як коней за бясцэнак прадавалі, нагадаеце, ці то Заічкову (Ігар Заічкоў займаў пасаду памочніка прэзідэнта па спорце. Звольнены разам з Алегам Качаном 28 кастрычніка -- НН), ці то яшчэ камусьці. Расказвайце. Гучна, выразна… Калі мяне дэзінфармавалі, я ў вас публічна папрашу прабачэння. Але калі нешта пацвердзіцца, вы адразу кайданкі купляйце, каб вам не чаплялі іх, бярыце і ідзіце туды, куды я сказаў. Я вам гэтага не дарую. Мы не такія багатыя, каб абслугоўваць тут асобных кітоў, якія яшчэ і лайдачаць.
Затым цунамі найвышэйшага гневу накрыла яшчэ многіх.
— Рыхтуючыся да Алімпійскага сходу, я паралельна даручыў Камітэту дзяржкантролю і іншым структурам праверыць, як жа вы рыхтаваліся да галоўных стартаў чатырохгоддзя. Вынікі сумныя. Аказалася, што праз бяздзейнасць службовых асоб Мінспорту частка востра неабходнага інвентару была закупленая напярэдадні, падчас і нават пасля Алімпіяды! Алімпіяда прайшла, а яны закупілі абсталяванне, каб алімпійскіх чэмпіёнаў рыхтаваць. Больш за паўмільярда рублёў прастойвае цяпер. А сёння выступаў спецыяліст па конях, там нямэтавага выкарыстання каля 600 мільёнаў рублёў выяўлена!
Праўда, Заічкоў гэта з дакладу прэзідэнта прыбраў і выхваляўся свайму памагатаму: «Ты не хвалюйся, я выкрасліў!» Ды вас толькі за гэта трэба ўзяць і выгнаць з працы. І не рабіце выгляд, што гэта не так! (Выканкаму ў цэлым) Кругавая парука! Гэта ж якое нахабства!Бародзіч, вы каго мне прапанавалі ў памочнікі?! Вось яшчэ праваліце дынамаўскую каманду і пойдзеце разам з ім вуліцу месці! Асабліва набліжаны генерал!
Таксама Лукашэнка прайшоўся па стадыёне «Дынама»:
— Пасылаю Якабсона (старшыня камітэта Дзяржкантролю — заўв.рэд.), кажу: «Аляксандр Серафімавіч, схадзі паглядзі, што там робіцца». Ён мне як перадаў фатаграфіі — ведаеце, мне дрэнна стала. Іх, Аляксандр Серафімавіч, трэба ўсіх пасадзіць! Усіх нягоднікаў! Таму што гэта першы аб’ект, які я з салдатамі прыводзіў у парадак. Пакінулі ў сябе гэты рынак. (У залу). Куды грошы падзелі ад рынку? (Якабсону). Займіцеся прынцыпова, давядзіце да канца. Нікога не шкадуйце! Жуллё. І гэта проста пад вокнамі Мінспорту. (Качану). Табе што, цяжка было зайсці на стадыён і паглядзець, што там бярозкі растуць? Там, дзе людзі павінны сядзець? І гэта датычыцца ўсіх і ўсёй спартыўнай інфраструктуры. А то ў нас конны від спорту Стайкі абслугоўвае, памочніка прэзідэнта і іншых — пачынаючы ад каўбасы і заканчваючы асабнякамі…
Зрэшты, Лукашэнка абураўся дарма. Менавіта такія вынікі прыносіць любы «дах» зверху.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары