Кожны пацярпелы ад тэракта атрымаў у сярэднім $1000 страхоўкі
Пацярпелымі падчас выбуху ў мінскім метро прызнаныя 327 чалавек.
Агульная сума, якую кампанія «Белэксімгарант» выплаціла пацярпелым ад тэракта на станцыі метро «Кастрычніцкая», склала 2 мільярды 747 мільёнаў рублёў.
У «Белэксімгаранце» паведамілі, што страхавая кампанія цалкам узяла на сябе адказнасць перавозчыка перад пасажырамі ў частцы абавязковага страхавання за нанясенне шкоды жыццю і здароўю. Памер страхавых выплатаў, якія атрымалі ахвяры выбуху 11 красавіка 2011 года, залежыў ад таго, наколькі цяжка яны пацярпелі. Ступень цяжкасці шкоды вызначала Дзяржаўная служба медыцынскіх судовых экспертызаў.
Сума страхоўкі склала ад 300 да 3000 еўра.
У сярэднім кожны пацярпелы ад тэракта атрымаў ад страхаўшчыка 8 мільёнаў 400 тысяч рублёў (каля 760 еўра ці 1 тысячы долараў).
Ці варта купляць закінутую хату за адну базавую і колькі гэта каштуе насамрэч? Вось што расказваюць людзі4
Каментары