У блогу Андрэя Пачобута з'явіўся другі запіс з турмы.
У блогу Андрэя Пачобута з'явіўся другі запіс з турмы.
Нават не верыцца, што ўжо прайшоў цэлы месяц! Здаецца, што яшчэ ўчора на маіх руках зашчапіліся кайданкі і з пракуратуры павезлі ў турму ... Час ляціць хутка, значна хутчэй, чым на "сутках".
Турэмнае жыццё манатонна, але не пазбаўленае сваіх маленькіх радасцяў. Я атрымліваю вельмі шмат лістоў з Польшчы, Беларусі, і нават з Літвы і Германіі. Гэта як глыток свежага паветра!
Сяджу я на 3-м паверсе СІЗА, паверхам ніжэй у 30-я гады сядзеў самы вядомы зняволены гарадзенскай турмы - камуністычны тэрарыст і верны сталінцам Сяргей Прытыцкі. У далёкім 80-м годзе я пайшоў у першы клас школы, якая носіць яго імя. І зараз вось атрымаў унікальную магчымасць "пагасцяваць" у месцы яго "баявой славы" :-)
Увогуле я не сумую, нават наадварот. Беларусь "турэмная" мала чым адрозніваецца ад Беларусі "свабоднай". Рэжым ёсць рэжым. І там у вас, і тут у мяне :-) Хіба, што тут у турме ўсё яшчэ больш скандэнсавана.
З цікавасцю збіраю матэрыял для "посттурэмнага рэпартажа", хоць з'явіцца яму будзе наканавана праз некалькі гадоў, але запэўніваю вас, ад гэтага ён не стане меней цікавым. А як вы там?
***
Журналіст Андрэй Пачобут абвінавачаны ў абразе і паклёпе на прэзідэнта РБ. Журналіст і адвакат пачалі знаёміцца з матэрыяламі справы. За абразу прэзідэнта закон прадугледжвае пазбаўленне волі да двух гадоў, за паклёп на Лукашэнку — да 4 год пазбаўлення волі.
Злачынства абласная пракуратура знайшла ў публікацыях журналіста ў LiveJournal і польскай «Газеце Выборчай».
Ад 6 красавіка Андрэй знаходзіцца пад вартай у гродзенскім СІЗА №1.
Ці варта купляць закінутую хату за адну базавую і колькі гэта каштуе насамрэч? Вось што расказваюць людзі4
Каментары