Найбольш складаная сітуацыя — у Мінскай, Віцебскай, Гродзенскай і Гомельскай абласцях, а ў Вілейскім раёне непагадзь закранула 172 вёскі.
У Беларусі аднаўленчыя работы вядуць 180 брыгад. Навальнічны фронт і шквалісты вецер выклікалі праблемы з электрычнасцю ў шэрагу рэгіёнаў краіны, паведаміла Мінэнерга.
Парушэнні электразабеспячэння зафіксаваныя ў 438 населеных пунктах. Найбольш складаная сітуацыя — у Мінскай, Віцебскай, Гродзенскай і Гомельскай абласцях.
У Мінскай вобласці часова засталіся без святла 295 населеных пунктаў. Пашкоджанні ў асноўным закранулі размеркавальныя сеткі 10 кВ — адключаныя 95 ліній электраперадачы.
Для ўзмацнення дзеючых брыгад у Мінскую вобласць накіраваны дадатковыя сілы з Брэсцкай, Магілёўскай і Віцебскай абласцей.
Найбольш складаная абстаноўка захоўваецца ў Вілейскім раёне, дзе непагадзь закранула 172 населеныя пункты.
Пашкоджаны 20 ліній электраперадачы 10 кВ, ёсць пашкоджанні апор і масавыя падзенні дрэў.
У раёне працуюць больш за 20 аварыйна-аднаўленчых брыгад, дадаткова прыбываюць спецыялісты з іншых рэгіёнаў.
Цяпер чытаюць
На Мінскім паўмарафоне памёр 50‑гадовы бягун. Вось што вядома пра Аляксея Дашыневіча16
Каментары