Вынесены прысуд палітвязням Глебу Герасімовічу і Аляксандру Мількамановічу.
Суд прызначыў ім па шэсць гадоў пазбаўлення волі ў калоніі ва ўмовах узмоцненага рэжыму, а таксама штраф 500 базавых адзінак (па 22 500 рублёў). Мужчын абвінавацілі паводле ч. 2 арт. 361‑1 Крымінальнага кодэкса (удзел у экстрэмісцкім фармаванні), піша «Вясна».
Затрыманне і крымінальны пераслед фігурантаў звязаныя з рашэннем КДБ ад 30 ліпеня 2025 года аб прызнанні кааліцыі ініцыятыў Green Network (Зялёная сетка) «экстрэмісцкім фармаваннем». У спіс праектаў, аб'яднаных гэтай назвай, улады ўключылі ініцыятывы Belarus Beehive, «Зялёны Партал» і грамадскае аб'яднанне «Экадом».
Пра Герасімовіча і Мількамановіча таксама вядома, што яны з’яўляюцца заснавальнікамі беларускай стартап-школы Malimon.
Падчас следства меркавалася, што дзеянні Мількамановіча і Герасімовіча могуць быць кваліфікаваныя паводле арт. 361‑4 КК (садзейнічанне экстрэмісцкай дзейнасці), але канчатковы прысуд быў вынесены за ўдзел у названым фармаванні.
Дакладныя акалічнасці крымінальнай справы і падрабязнасці судовага працэсу на гэты момант застаюцца невядомымі.
Цяпер чытаюць
Сяргей Ціханоўскі запусціў свой ютуб-канал з вершамі і казкамі88
Каментары