У Баранавічах заўважылі незвычайны самаробны дарожны знак з элементамі чорнага гумару. Карыстальнік Threads Аляксей пабачыў яго ў мікрараёне Паўночны і зняў на відэа, якое апублікаваў у сацыяльнай сетцы.
Скрыншот з відэа
Над звычайным знакам абмежавання хуткасці да 5 км/г нехта размясціў жартлівы дадатковы знак: на ім намаляваны чалавек у стане алкагольнага ап'янення, які паўзе праз дарогу, з адпаведным папярэджаннем для кіроўцаў.
Над гэтым знакам таксама з'явілася фігура Прывіднага твару — персанажа з фільма жахаў «Крык». Пудзіла трымаецца за руль ровара і стала часткай незвычайнай кампазіцыі.
Самаробная «дарожная інсталяцыя» прыцягвае ўвагу мясцовых жыхароў сваёй незвычайнасцю і гумарыстычным падыходам.
Цяпер чытаюць
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы18
Каментары