Жыхар Гомеля, які падчас навальніцы пераходзіў пешаходны мост паміж мікрараёнамі Стары Аэрадром і Сельмаш, выпадкова зняў на відэа ўдар маланкі, што адбыўся зусім блізка ад яго, піша «Метэавайб».
На запісе відаць, як мост залівае моцны дождж, а парывісты вецер дзьме збоку. У нейкі момант усё навокал на імгненне асвятляе яркая ўспышка, пасля чаго адразу раздаецца магутны гром. Мяркуючы па відэа, маланка ўдарыла зусім побач з аўтарам запісу.
Пасля моцнай навальніцы ў Гомелі гарадскія службы працягваюць ліквідаваць яе наступствы. У раёне аўтавакзала і аддзялення «Белпошты» адпампоўвалі ваду з падтопленых тэрыторый. Таксама паведамлялася, што быў парушаны рух транспарту па вуліцах Інтэрнацыянальнай, Савецкай, Яфрэмава, а таксама па праспектах Леніна і Перамогі, але ён ужо адноўлены.
«Ліпа ва ўсіх сэнсах». Вось як будуць выглядаць дрэвы ў вазонах на галоўным мінскім праспекце. Блогеры атрымалі заданне імі захапляцца10
Каментары
Калі на які БелТА спасылка будзе, а на аматарскія беларускія праекты і старонкі беларусаў у сацсетках - не.
Дык вось, знутры яна жоўта-залатая й бліскучая, накрывае, як нібы туманам, ды так, што нічога наўкол ня бачыш, зусім. Я сьпярша пачуў тузін алярмаў апаратуры, якой там было шмат, і толькі цераз 3-5 секунд убачыў сьпярша іх візуальныя сігналы, а потым і само абсталяваньне ! Усё давялося перазапускаць, і дзякуй Богу пасьпяхова, нічога не згарэла й не адмовіла, акром адной ня значнай прылады, якую давялося замяніць цалкам.
Дарэчы, калі маланка б'е побач, яна зусім не такая, ніткападобная, а прыкладна, як камель добрага дрэва.