Па ўсёй Беларусі 12 чэрвеня абмяжуюць продаж алкаголю. Такое рашэнне прынята ў сувязі з правядзеннем выпускных вечароў.
Здымак ілюстрацыйны. Фота: «Наша Ніва»
У большасці рэгіёнаў краіны забарона будзе дзейнічаць на працягу сутак — з 08:00 12 чэрвеня да 08:00 13 чэрвеня, хоць канкрэтны час вызначаюць мясцовыя органы ўлады. У асобных гарадах і раёнах абмежаванні могуць дзейнічаць з 00:00 да 24:00.
Пад забарону трапляюць моцныя алкагольныя напоі, піва і слабаалкагольныя напоі з утрыманнем этылавага спірту 7% і больш.
Пры гэтым абмежаванні не распаўсюджваюцца на:
- кавярні, бары і рэстараны, дзе алкаголь прадаецца на разліў;
- продаж алкаголю для правядзення вяселляў, урачыстых і рытуальных мерапрыемстваў у выпадках, прадугледжаных мясцовымі правіламі.
Такія меры ў Беларусі традыцыйна ўжо шмат гадоў уводзяцца ў дні правядзення школьных выпускных вечароў з мэтай прафілактыкі правапарушэнняў і няшчасных выпадкаў.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца9
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары