Качанава зацікавілася бізнэсам у сферы пахавальных паслуг, КДК праверыць сістэму
Старшыня Савета Рэспублікі заявіла пра праблему ценявога бізнэсу ў пахавальнай сферы.
Паводле яе слоў, рынак рытуальных паслуг у асобных выпадках працуе па схеме, дзе вырашальным фактарам становіцца хуткасць доступу да інфармацыі пра смерць чалавека, паведамляе «Мінская праўда».
«Людзі трапляюць у бяду… Хто першы хутка прапануе свае паслугі, чалавек туды і звяртаецца», — адзначыла Качанава на сумесным пасяджэнні парламента.
Паводле слоў Наталлі Качанавай, Камітэт дзяржкантролю можа зацікавіць сітуацыя, якая склалася ў галіне.
Кіраўнік КДК Васіль Герасімаў пацвердзіў, што праблема ўжо знаходзіцца ў полі ўвагі ведамства. Ён адзначыў, што пахавальныя кампаніі атрымліваюць інфармацыю аб памерлых імгненна.
Цяпер чытаюць
На аўташоу ў Лідзе ледзь не загінуў адзін з самых знакамітых каскадзёраў Беларусі — яго відэа сабралі амаль паўмільярда праглядаў. Што з ім цяпер?2
Каментары