Гід-шэрп правёў на Эверэсце шэсць дзён без вады, ежы і запасаў кіслароду. Яго ўдалося выратаваць
29 мая 52‑гадовы гід па імені Дава Шэрпа суправаджаў польскага альпініста пры спуску з Эверэста. Спроба ўзняцца на вяршыню была спынена з-за абмарожання ў паляка.
Па невядомай прычыне шэрп застаўся адзін каля так званай «Жоўтай паласы» — характэрнай скальнай фармацыі. Альпіністы ў выніку дасягнулі свайго лагера, але Дава туды не дабраўся, піша Bild.
Кампанія Himalayan Traverse, у якой працуе шэрп, не накіравала ратавальныя атрады на яго пошукі. Толькі 3 чэрвеня іншая фірма арганізавала пошукавы палёт на верталёце, але безвынікова.
У выніку Дава пачаў спуск у адзіноце. 4 чэрвеня яго знайшла каманда, якая збірала на Эверэсце смецце: нечакана людзі ўбачылі шэрпа, які поўз па зямлі.
Верталёт дастаў знясіленага і атрымаўшага абмарожанні чалавека ў бальніцу ў Катманду. Падчас ратавальнай аперацыі ён ледзь мог гаварыць.
Магчыма, яму ўдалося самастойна пераадолець амаль тры кіламетры.
Паводле звестак The Himalayan Times, вясновы альпінісцкі сезон 2026 года на Эверэсце стаў рэкордным: спробу ўзняцца прадпрынялі 494 альпіністы ў складзе 51 каманды. Пяць чалавек загінулі.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2828
Каментары