«Ён нават у Жодзінскай турме вешаў Пагоню». Эдуард Пальчыс просіць падтрымаць Кірыла Казея
«Разумею, што вы, магчыма, стаміліся ад розных збораў на патрэбы розных беларусаў. Але прамаўчаць не магу», — піша ў фэйсбуку былы палітвязень Эдуард Пальчыс, просячы падтрымаць у бядзе іншага былога палітвязня — Кірыла Казея.
«Кірыл Казей — адзін з найлепшых і самых прынцыповых людзей, з якімі я асабіста перасякаўся падчас зняволення. Я правёў з ім толькі 3 тыдні, але запомніў на ўсе жыцце.
Памятаю, як у жодзінскай турме ён насуперак адміністрацыі вешаў выяву «Пагоні» то ў камеры, то ў дворыку для шпацыру.І так сталася, што нас разам вызвалялі 19 сакавіка [2026-га].
У Беларусі Кірыл быў бізнэсоўцам з усімі атрыбутамі — кватэра, дарагое аўто, даходная справа. А зараз яго цалкам абнулілі і ўсё трэба пачынаць з нуля, бо без пашпарту дзейнасць весці пакуль цяжкавата (як і для большасці вызваленых).
Кірыл мужны і моцны чалавек, у якога рана ці позна ўсе павінна атрымацца. Таму прашу вас падтрымаць яго на самым цяжкім этапе вольнага жыцця», — піша Эдуард Пальчыс.
А пасля дадае:
«Калі камусьці патрэбен чалавек, які разбіраецца ў продажах і ўмее працаваць у камандзе, звяртайцеся да Кірыла з прапановамі. Я б з такімі, як ён, і на вайну пайшоў бы».
Падтрымаць Кірыла Казея можна па спасылцы.
А нядаўна ён сам расказаў гісторыю свайго зняволення і вызвалення.
«Нас праводзілі ўсе Калядзічы». Кірыл Казей расказаў пра выдварэнне з краіны ў апошняй партыі палітвязняў
Пенсіянеры, актывісты, шматдзетныя бацькі: хто трапіў у спіс з 250 памілаваных палітвязняў
Спіс палітвязняў, вызваленых 19 сакавіка — і дэпартаваных, і тых, хто застаецца ў Беларусі
Пальчыс, Андрэева, Лойка і іншыя імёны — пасля візіту амерыканскіх дыпламатаў у Мінск вызвалілі 250 палітвязняў
Каб не плаціць падатак на сабак, мінчукі пачалі здаваць іх у пункты адлову25
Каментары