Хлопец, які чакаў дзяўчыну з букетам пад дажджом у Мінску, расчуліў Threads ВІДЭА
Мінчанка Алеся Клачко выпадкова зняла сапраўдны кароткаметражны фільм пра каханне. Нягледзячы на тое, што відэа кароткае, гледачы паспяваюць ладна панервавацца за хлопца з ружамі пад залевай.
Кранальнае відэа, знятае ў цэнтры Мінска, каля рэстарана Mak.by, набірае папулярнасць у сацсетках.
Гісторыя разгортваецца ў пахмурны, дажджлівы дзень. Малады чалавек з букетам чырвоных руж сядзіць на парапеце ажыўленай дарогі, міма едуць машыны, грамадскі тралейбус. Хлопец выглядае напружаным: у чаканні ён скурчыўся ад прахалоды і дажджу, але беражліва трымае кветкі.
Відаць, сустрэча была прызначана ў гэтым месцы, але чаканне зацягнулася.
У нейкі момант хлопец устае — дзяўчына прыйшла. Тыя, хто сачыў за драмай, выбухаюць апладысментамі.
«Было вельмі напружана глядзець», — прызнаецца аўтарка відэа.
Шчаслівы фінал гэтай выпадковай сцэны расчуліў чытачоў.
«Свет яшчэ можна выратаваць», «Колькі эмоцый у гэтым маленькім відэа!» — пішуць натхнёна мінчане, пабачыўшы на свае вочы каханне ў вялікім горадзе.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў78
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары