Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары
Марыя Калеснікава прапануе Еўропе не змагацца з Лукашэнкам, а змагацца «за людзей, за іх будучыню».
Такі погляд былая палітзняволеная агучыла на канферэнцыі GLOBSEC у Празе, заўважыла «Еўрарадыё».
«У 2020 годзе я змагалася не супраць Лукашэнкі, я змагалася за людзей, за свабоду, за свабодныя выбары. І вельмі вялікая розніца ў разуменні стратэгіі, у разуменні ўсёй сітуацыі. І цяпер калі я кажу пра перамовы, з беларускімі ўладамі, першая і адзіная прычына — гэта людзі, людзі, што застаюцца ў турмах, людзі, якія ў небяспецы за палітычныя погляды і г.д.», — кажа экс-палітзняволеная.
«Я думаю, што вельмі важна не змагацца з дыктатарам, у тым выглядзе, як гэта робіцца цяпер, таму што Лукашэнка тут з 1994 года, прайшло ўжо 30 гадоў, але з ім нічога не адбылося з санкцыямі, без санкцый, але калі мы думаем пра людзей, пра краіну, так ці інакш прыйдзе час і рэжым закончыцца.
Лукашэнка сыдзе з натуральных ці іншых прычын, але краіна павінна быць незалежнай, Беларусь не павінна быць часткай Расіі, беларусы павінны быць гатовыя да гэтага, і вядома таму ЕС павінен надаць крыху больш увагі іншаму погляду, іншай стратэгіі, не змагацца з Лукашэнкам, а змагацца за людзей, за іх будучыню», — зазначыла Марыя Калеснікава.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2929
Каментары
[Зрэдагавана]