Кіраўнік праекта «Камунікат», які аб'ядноўвае беларускую анлайн-бібліятэку і выдавецтва, Яраслаў Іванюк расказаў у сваім фэйсбуку, як ідзе аднаўленне партала пасля маштабнай хакерскай атакі.
«Дарагія сябры, дзякуй усім за неабыякавасць! Мы атрымалі шмат падтрымкі і прапаноў, але таксама і пытанняў, датычных хостынга, бэкапаў і іншых тэхнічных момантаў. Інфармуем: працы над аднаўленнем сайта Kamunikat.org ідуць. Рэзервовыя копіі ёсць, але праз набор тэхнічных акалічнасцей, якія сабраліся на працягу 25 год, працэс выглядае не так хутка, як хацелася б, і адным клікам аднавіць усё немагчыма. «Камунікат» атакуюць ужо працяглы час, мы адбіваліся паспяхова, але цяперашняя сітуацыя паказала, на што трэба звярнуць увагу, і зараз мы з камандай прапрацоўваем, як не дапусціць падобных гісторый у будучыні», — напісаў Яраслаў Іванюк.
Сайт Kamunikat.org, дзе размяшчаецца найбуйнейшая беларуская анлайн-бібліятэка, быў атакаваны ў ноч на 7 мая.
«Спачатку былі спадзяванні, што гэта не атака, а ўсё адбываецца праз перагружаны трафік, але ў выніку недзе а 4‑й гадзіне ночы мы зразумелі, што нашы серверы проста вычышчаныя. Вядома, у такіх сітуацыях не ўсё страчана, бо захоўваюцца копіі, але гэта ўсё патрабуе часу, каб разабрацца. Хаця сітуацыя можа быць і горшай, бо, як сказаў адзін з правайдараў, мог быць запушчаны вірус, які не дазволіць аднавіцца. Але мы працуем над гэтым», — расказваў учора Яраслаў Іванюк.
Паводле яго, на серверах захоўваецца больш за 70 тысяч розных беларускіх публікацый — кнігі, газеты, часопісы, аўдыякнігі, відэа– і аўдыяматэрыялы пра Беларусь.
У мінулым годзе «Камунікату» споўнілася 25 год. Спачатку гэта была выключна анлайн-бібліятэка.
Але з 2020 года «Камунікат» стаў выдаваць кнігі, за пяць з паловай год выдадзена пад 70 кніг, а ў канцы красавіка гэтага года ў Варшаве адкрылася кнігарня Kamunikat.shop.
-
У Заслаўі над руінамі брамы XVI стагоддзя пабудуюць навес. Што вядома пра ўнікальны аб'ект і чаму прапанаваны праект — бессэнсоўны і шкодны
-
На могілках у Мінску знеслі старыя крыжы і агароджы. Замест іх ставяць безаблічныя бетонныя падгалоўнікі
-
Да саракавінаў памяці Святланы Курс апублікавана раней не друкаванае яе эсэ «СССР як калыска і магіла»
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»33
Каментары