У Беларусі створаць новы забаўляльны парк з гістарычнай тэматыкай
Парк з’явіцца недалёка ад Гродна на тэрыторыі агратурыстычнага комплексу «Каробчыцы» і будзе называцца «Стары горад», паведамляе прэс-служба Гродзенскага аблвыканкама. Ідэя праекта — аднавіць атмасферу Гродна канца XIX — пачатку XX стагоддзя.
Плануецца, што наведвальнікі змогуць прайсціся па вуліцы, дзе ўсё выглядае так, нібы час спыніўся больш за сто гадоў таму. Ідэя праекта — не проста паказаць будынкі, а аднавіць жыццё і побыт таго перыяду.
У парку з’явіцца каля дзесяці «гістарычных» дамоў, а таксама мноства тэматычных аб’ектаў. Сярод іх — друкарня (у гонар таго, што Гродна быў адным з першых цэнтраў кнігадрукавання), лячэбны кабінет і аптэкарская крама. Акрамя гэтага, плануюць пабудаваць чыгуначны вакзал, гандлёвыя рады, фотамайстэрню, банк, кінатэатр, карчму і нават этнаграфічны комплекс.
Таксама з’явяцца тры нацыянальныя хаткі, школа рыцарскага тыпу, спецыяльная «палата мер і вагаў», новая ўваходная зона і кавярня, дзе можна будзе пакаштаваць стравы беларускай кухні.
Праект разлічаны на тое, каб зрабіць адпачынак там цікавым у любы сезон.
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў31
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары