Прамыя перамовы паміж ЗША і Іранам апошні раз праходзілі 11—12 красавіка ў Пакістане і скончыліся правалам.
Іран не плануе новы раўнд перамоваў з ЗША. Пра гэта заявіў прадстаўнік МЗС Ісламскай Рэспублікі Эсмаіл Багаі ў сацсетцы X.
«Мы прыбываем у Ісламабад, Пакістан, з афіцыйным візітам. Міністр замежных спраў Абас Арагчы сустрэнецца з высокапастаўленымі афіцыйнымі асобамі Пакістана ў рамках іх пастаяннага пасярэдніцтва і добрых паслуг з мэтай спынення навязанай Амерыкай агрэсіўнай вайны і аднаўлення міру ў нашым рэгіёне», — напісаў Багаі.
Асобна прадстаўнік МЗС падкрэсліў, што сустрэчы паміж Іранам і ЗША не плануюцца: «Пазіцыя Ірана будзе даведзена да ведама Пакістана».
Абас Арагчы знаходзіцца з візітам у Пакістане для перамоваў з прэм’ер-міністрам Шахбазам Шарыфам, міністрам замежных спраў краіны Ісхакам Дарам і начальнікам штаба сухапутных войскаў Пакістана фельдмаршалам Асімам Мунірам.
Спецпасланнік прэзідэнта ЗША Стыў Уіткаф і Джарэд Кушнер таксама плануюць правесці сустрэчу з пакістанскімі ўладамі.
Прамыя перамовы паміж ЗША і Іранам апошні раз праходзілі 11—12 красавіка ў Пакістане. Тады бакі не змаглі дамовіцца.
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч33
Каментары