Сіноптык Дзмітрый Рабаў у эфіры АНТ паведаміў, што на наступным тыдні, з 13 па 19 красавіка, у краіне чакаецца прыкметнае пацяпленне. У сярэднім тэмпература будзе вышэйшай за кліматычную норму на 1—2 градусы, ападкаў стане менш, а надвор’е ў цэлым палепшыцца.
У панядзелак днём прагназуецца ад +9 да +16, але ноччу яшчэ магчымыя замаразкі — ад мінус 3 да плюс 3. Раніцай і ўначы месцамі будуць туманы, істотных дажджоў не чакаецца.
У аўторак надвор’е будзе вызначаць антыцыклон: без ападкаў, з праясненнямі і большай колькасцю сонца. Ноччу +3…+7, днём да +12…+16, на паўднёвым захадзе — цяплей.
У сераду захаваецца ўплыў вобласці высокага ціску. Месцамі магчымыя кароткія дажджы (пераважна на паўночным усходзе), але ў цэлым будзе суха. Ноччу +3…+7, днём ад +11 да +18.
У чацвер чакаюцца кароткачасовыя дажджы, але сонца будзе з’яўляцца ўсё часцей. Тэмпература застанецца прыкладна такой жа: ноччу +3…+7, днём +11…+16.
У пятніцу стане яшчэ цяплей: днём ад +12 на поўначы да +20 на поўдні краіны. Надвор’е будзе з пераменнай воблачнасцю і невялікімі дажджамі месцамі.
На выхадных надвор’е парадуе. У суботу без ападкаў, ноччу +5…+11, днём +10…+17. У нядзелю дажджы малаверагодныя, але застануцца туманы ўначы і раніцай. Тэмпература ноччу +6…+11, днём +14…+19.
У цэлым тыдзень абяцае стаць значна цяплейшым і больш камфортным — з адчуваннем набліжэння мая.
Цяпер чытаюць
Беларуска распачала чэлендж «40 спатканняў», але ўжо на сярэдзіне не хавае расчаравання ў мужчынах18
Каментары