Асуджаныя падчас тэлефанаванняў родным просяць сваякоў выйсці з «экстрэмісцкіх» тэлеграм-чатаў калоній і СІЗА
6 красавіка КДБ прызнаў тэлеграм-чат «СІЗА №1 Калядзічы» «экстрэмісцкім фармаваннем».
Фота: «Вясна»
Акрамя яго ў адпаведны спіс дадалі 10 тэлеграм-чатаў, 9 вайбер-чатаў і 3 суполкі ва «Укантакце» — гэта чаты з людзьмі, чые сваякі знаходзяцца ў СІЗА ці калоніях.
У гэтыя выходныя некаторыя зняволеныя тэлефануюць сваім родным і просяць іх выйсці з гэтых чатаў: кажуць, што, маўляў, усе з гэтага чату, незалежна ад таго, што яны пішуць, трапяць пад «экстрэмісцкі» артыкул.
Мяркуючы па ўсім, сказаць такое іх просяць супрацоўнікі калоній, піша «Вясна».
Каментары
Калі няма чатаў сваякоў палітзняволеных, немагчыма даведацца, што нешта адбываецца, прасцей рабіць выгляд, што ўсё добра, ніхто не сядзіць.
Замест таго, каб для перамоў з ЗША прыпыніць рэпрэсіі і вызваліць астатніх, робяць выгляд, што рэпрэсій няма. Улада паказухі і хлусні.