Куба вызваліць 2 010 зняволеных у рамках «гуманітарнага і суверэннага жэсту», пра што было абвешчана ў чацвер, на фоне працяглага палітычнага ціску з боку ЗША, піша Бі-бі-сі.
Сярод вызваленых будуць замежныя грамадзяне, моладзь, жанчыны і асобы, старэйшыя за 60 гадоў, гаворыцца ў заяве кубінскай амбасады ў ЗША.
Таксама адзначаецца, што вызваленне адбываецца «ў кантэксце рэлігійных святкаванняў Вялікага тыдня, што з’яўляецца звычайнай практыкай у нашай сістэме крымінальнага правасуддзя».
Гэта ўжо другі выпадак у гэтым годзе, калі Куба абвяшчае аб вызваленні зняволеных. У сакавіку былі вызвалены 51 чалавек пасля перамоў з Ватыканам. У 2025 годзе Куба вызваліла 553 чалавекі ў рамках дамоўленасці, дасягнутай пры пасярэдніцтве Ватыкана і ЗША.
Пасля вяртання ў Белы дом прэзідэнт ЗША Дональд Трамп выразна заявіў пра сваё імкненне змяніць кіраўніцтва Кубы і ўвёў нафтавую блакаду, што прывяло да сур’ёзнага дэфіцыту паліва і маштабных адключэнняў электраэнергіі па ўсёй краіне.
На мінулым тыдні танкер, які належыць расійскай кампаніі і перавозіў прыкладна 730 000 бараляў сырой нафты, стаў першай пастаўкай нафты, што прыбыў у адзін з партоў Кубы з пачатку студзеня.
Каментары
Сарказм.