У нядзелю там мог праваліцца чалавек.
Бабруйскія рыбакі выявілі на рацэ Бярэзіна ў раёне рачнога порта дзіўную палонку, побач з якой ляжыць ледабур, піша fishingby.com.
На думку ўдзельнікаў групы ў Viber «Рыбалка наша ўсё! Бабруйск», у нядзелю на гэтым месцы пад лёд мог праваліцца хтосьці з мясцовых рыбакоў.
Але, відаць, яму ўдалося выбрацца, а ледабур аматар падлёднай лоўлі пакінуў з-за свайго незайздроснага становішча і нежадання зноў вяртацца ў небяспечнае месца.
«Варыянты два… Або-або… У гэтым месцы сур’ёзная глыбіня. Мяркуючы па тым, што рыбацкай скрыні няма, рыбаку, відаць, было ўжо не да бура. Хутчэй за ўсё, сышоў», — выказаў здагадку адміністратар групы.
Большасць беларускіх рыбакоў ужо закрылі сезон зімовай рыбалкі, але ўсё яшчэ ёсць адчайныя аматары падлёднай лоўлі, гатовыя рызыкаваць жыццём дзеля пары-тройкі плотак ці акунёў. У асобных выпадках такая рызыка прыводзіць да сумных наступстваў.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары