У рэанімацыю пісьменніца трапіла пасля экстраннай аперацыі.
Беларуская дзіцячая пісьменніца Надзея Ясмінска трапіла ў рэанімацыю.
«Такія справы, што я ўжо дзясяты дзень у рэанімацыі. Пасля экстраннай аперацыі не працуюць ныркі. Але я трымаюся і не губляю надзеі», — апублікавалі яе словы ў фэйсбуку.
У сацсетках знаёмыя пісьменніцы і яе чытачы зычаць ёй хутчэйшага выздараўлення.
«Мы з маім дзевяцігадовым сынам вельмі любім вашы кніжкі і не так даўно набылі чарговую. Вы дорыце столькі радасці і дабрыні», — піша адна з чытачак.
«Надзея, здароўя! Дасылаем прамяні падтрымкі і молімся за вас Вельмі любім вашыя кнігі».
«Надзенька! Вы казачніца! Давайце — наваражыце сабе здароўе! А мы будзем маліцца за вас».
Надзея Ясмінска нарадзілася ў Мінску ў 1985 годзе. Яна піша для дзяцей на беларускай і рускай мовах. Найбольш папулярныя кнігі «Сем ружаў» (у 2016 годзе кніга была ўзнагароджаная Прэміяй Цёткі), «Сподачак для цмока», «Чаму Меша не мае хаты», «Кусь-кусяндра», «Пацеркі і кроплі».
У сваіх кнігах Надзея падымае важныя псіхалагічныя тэмы, што рабіць са злосцю, як не быць адзінокім і верыць у цуды. Кнігі Надзеі дапамагаюць і бацькам паразумецца з дзецьмі і занурыцца ў іх свет.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы55
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары