Прэзідэнт ЗША заявіў тэлеканалу NewsNation, што Злучаныя Штаты «найбліжэйшым часам» адкажуць на напад на амерыканскае пасольства ў Эр-Рыядзе (Саудаўская Аравія) і гібель амерыканскіх вайскоўцаў.

Пасольства ЗША было атакаванае двума, як мяркуецца, іранскімі беспілотнікамі, паведамляе тэлеканал CNN са спасылкай на інфармаваныя крыніцы.
Паводле слоў адной з іх, інфармацыі пра пацярпелых пакуль не паступала.
У сваю чаргу ўлады каралеўства пацвердзілі інфармацыю пра ўдары па амерыканскім пасольстве.
«Паводле папярэдніх ацэнак, пасольства ЗША ў Эр-Рыяд зазнала атаку двух беспілотных лятальных апаратаў, што прывяло да абмежаванага пажару і нязначнай матэрыяльнай шкоды будынку», — гаворыцца ў паведамленні Міністэрства абароны Саудаўскай Аравіі ў сацсетцы X.
Паводле звестак Цэнтральнага камандавання Узброеных сіл ЗША (CENTCOM), з пачатку аперацыі ў Іране загінулі шэсць амерыканскіх вайскоўцаў, яшчэ 18 атрымалі раненні.
«[Трамп] таксама сказаў мне, што, на яго думку, увядзенне наземных войскаў [у Іран] не спатрэбіцца», — напісала палітычная аглядальніца NewsNation Келі Меер у X.
Раней прэзідэнт ЗША ў інтэрв’ю New York Post не выключыў магчымасці накіравання амерыканскіх наземных войскаў у Іран, «калі яны будуць неабходныя».
-
«Арменія — гэта ўжо не абрабаваная вамі і вашымі партнёрамі краіна». Пашынян рашуча адказаў Лукашэнку
-
У праваслаўнай парафіі на поўдні Польшчы царкоўная ўрачыстасць ператварылася ва ўслаўленне Расіі. З пратэстам выступілі лемкі
-
Трамп заявіў, што з Іранам яго задаволіць толькі «ідэальная здзелка». А проста добрую ён мог бы заключыць проста зараз
Каментары