Prezident ZŠA zajaviŭ telekanału NewsNation, što Złučanyja Štaty «najbližejšym časam» adkažuć na napad na amierykanskaje pasolstva ŭ Er-Ryjadzie (Saudaŭskaja Aravija) i hibiel amierykanskich vajskoŭcaŭ.
Pasolstva ZŠA było atakavanaje dvuma, jak miarkujecca, iranskimi bieśpiłotnikami, paviedamlaje telekanał CNN sa spasyłkaj na infarmavanyja krynicy.
Pavodle słoŭ adnoj ź ich, infarmacyi pra paciarpiełych pakul nie pastupała.
U svaju čarhu ŭłady karaleŭstva paćvierdzili infarmacyju pra ŭdary pa amierykanskim pasolstvie.
«Pavodle papiarednich acenak, pasolstva ZŠA ŭ Er-Ryjad zaznała ataku dvuch bieśpiłotnych latalnych aparataŭ, što pryviało da abmiežavanaha pažaru i niaznačnaj materyjalnaj škody budynku», — havorycca ŭ paviedamleńni Ministerstva abarony Saudaŭskaj Aravii ŭ sacsietcy X.
Pavodle źviestak Centralnaha kamandavańnia Uzbrojenych sił ZŠA (CENTCOM), z pačatku apieracyi ŭ Iranie zahinuli šeść amierykanskich vajskoŭcaŭ, jašče 18 atrymali ranieńni.
«[Tramp] taksama skazaŭ mnie, što, na jaho dumku, uviadzieńnie naziemnych vojskaŭ [u Iran] nie spatrebicca», — napisała palityčnaja ahladalnica NewsNation Kieli Miejer u X.
Raniej prezident ZŠA ŭ intervju New York Post nie vyklučyŭ mahčymaści nakiravańnia amierykanskich naziemnych vojskaŭ u Iran, «kali jany buduć nieabchodnyja».
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary