Прэм’ер-міністр Арменіі Нікол Пашынян выбачыўся перад сваёй грамадзянскай жонкай Ганнай Акапян пасля таго, як яна аб’явіла пра завяршэнне іх адносін. Прабачэнні палітык прынёс у сваім Telegram-канале.
«З павагай стаўлюся да рашэння Ганны. Апошнія 30 гадоў яна была побач ва ўсе цяжкія часы, маім прытулам і апорай. Не ўпэўнены, што быў такім жа. Магчыма, я прычыніў ёй яшчэ больш гора, за што прашу прабачэння», — заявіў прэм’ер.
Акапян раней напісала ў Facebook, што пакідае сумеснае жыллё.
«Як я ўжо аб’яўляла, мой шлюб з прэм’ер-міністрам Ніколам Пашынянам разарваны. Сёння, 25 лютага, я пакідаю ўрадавую рэзідэнцыю», — паведаміла яна.
Яна таксама не выключыла магчымасці распачынання крымінальнай справы супраць сябе. «Такі ход падзей магчымы. Паглядзім, што будзе», — адзначыла Акапян.
Акапян 17 лютага паведаміла, што яе грамадзянскі шлюб з прэм’ерам Арменіі закончаны. Тады яна не ўдакладніла, ці былі яны афіцыйна ў шлюбе, ці пара развялася.
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г4
Каментары