МУС заявіла пра масавае затрыманне асоб, якія маюць дачыненне да дзейнасці міжнароднай арганізаванай злачыннай групы, якая праз call-цэнтры падманвала людзей.
МУС раскрыў схему махлярскай сеткі, якая пяць гадоў імітавала гандаль на «Forex». Паводле даных МУС, зламыснікі стварылі больш за 800 фальшывых сайтаў, дзе абяцалі высокі даход ад інвестыцый у неіснуючыя фінансавыя кампаніі.
Праз электронныя анкеты яны збіралі даныя грамадзян, называліся «фінансавымі спецыялістамі» і пераконвалі іх пераводзіць грошы на фіктыўныя рахункі. Далей на падробленых платформах імітавалі паспяховы гандаль і пад рознымі падставамі прымушалі працягваць уносіць усё новыя сумы. Выкрадзеныя сродкі пералічвалі на падкантрольныя рахункі.
МУС сцвярджае, што ад іх дзейнасці пацярпелі тысячы грамадзян больш чым са 180 краін.
Па падазрэнні ў злачынстве затрымана 55 чалавек, 17 з іх выстаўлены афіцыйныя абвінавачанні па артыкуле аб махлярстве ў асабліва буйным памеры.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1313
Каментары