На пасаду Улькі Пулькі знайшлі новую дзяўчыну. Мінулая сышла праз канфлікт
«Каб вы толькі ведалі, што адбываецца там», — раней казала пра лэйбл «Флагман М'юзік», звязаны з Ганнай Сялук, блогерка-мільённік Ульяна Сталярова, якая і стварыла вобраз Улькі Пулькі з нуля.
У сацыяльных сетках Улькі Пулькі ўчора з’явіліся фотаздымкі новай блогеркі, якая будзе выступаць пад гэтым псеўданімам. Напісана, што пачынаецца новая гісторыя. Сапраўдная стваральніца персанажа Ульяна Сталярова фактычна засталася ні з чым.
Сваю праўду дзяўчына раней распавядала на сваім новым YouTube-канале. Займацца блогінгам Ульяна пачала яшчэ калі вучылася ў школе — гэта было ў 2015 годзе. Праглядаў амаль не было, але Ульяна верыла, што некалі ўсё атрымаецца.
У 16 гадоў дзяўчына напісала першую песню «Мальчик, sorry», а на летніх канікулах распрацавала пакрокавы план, як і што плануе рабіць далей. Кажа, што разумела: песня не стане хітом, але перакуліць жыццё выканаўцы.
Так і атрымалася. Ульяна знайшла падтанцоўку, зрабіла касцюмы і пайшла з першай песняй выступаць па розных мерапрыемствах для моладзі. Там пазнаёмілася з больш папулярнымі блогерамі, які прапанавалі паздымацца разам.
Бясконцы драйв, новыя песні, здымкі на вуліцах, падпісчыкі… Усё закруцілася так хутка, што ўсяго праз паўгода ў Улькі Пулькі быў першы сольны канцэрт у Мінску. Яна з гонарам згадвае, што гэта адбылося 14 лютага 2023 года — атрымалася прадаць усе квіткі.
А далей былі здымкі кліпаў, гастролі (разам з Дзім Дзімычам і Анджылішай Ульяна аб'ездзіла ўсю Расію ды Казахстан)… Працавала Улька Пулька з «Флагман м'юзік» — музычнай кампаніяй, якая цесна звязаная з нявесткай Лукашэнкі Ганнай Сялук.
Ульку Пульку разам з іншымі блогерамі кампаніі актыўна выкарыстоўвалі для пралукашэнкаўскай прапаганды сярод школьнікаў. У 2024 годзе блогерка разам з іншым кумірам дзяцей Дзім Дзімычам паказальна спрабавала стаць сяброўкай партыі «Белая Русь» — але атрымала адмову.
У які момант пачалося супрацоўніцтва і чаму адбыўся канфлікт, Ульяна распавядаць не хоча. Туманна кажа, што проста вырасла з гэтай ролі. Але прызнаецца, што ў нейкі момант ёй было супер-некамфортна — яна зламалася і згубілася. Але ў выніку зразумела, што хоча чагосьці большага.
Не без шкадавання Ульяна расказвае, што засталася без усяго. «Флагман м'юзік» забраў і творчы псеўданім, і ўсе песні, і сацсеткі дзяўчыны.
А плакаць тут ёсць аб чым: на YouTube-канал «Улька Пулька» падпісана больш за 3 мільёны чалавек, ёсць яшчэ амаль 545 тысяч падпісчыкаў у тыктоку і каля 13 тысяч падпісчыкаў у інстаграме. Цяпер усё гэта атрымала ў спадчыну іншая дзяўчына.
Ульяна Сталярова спрабуе не губляць аптымізму. Яна пачала выступаць пад сваім сапраўдным прозвішчам. Але поспехі пакуль сціплыя. На яе новы YouTube-канал падпісана крыху больш за 17 тысяч падпісчыкаў, а новы кліп «Не игрушка» набраў усяго 672 прагляды за 3 месяцы.
Па шляху Ульяны пайшла і іншая блогерка «Флагман м'юзік» — Анджыліша (сапраўднае імя — Ангеліна Міхалёва). Тая сёлета ў студзені запісала відэа, у якім плача, распавядаючы пра канфлікт з лэйблам.
Новая Улька Пулька — 15‑гадовая мінская школьніца з сям'і вайскоўцаў Арына Раманава, піша «Люстэрка».
Сёстры Груздзевы драматычна расказалі, як іх выкінуў за дзверы міністр культуры Руслан Чарнецкі. «Як сабак»
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы
Для Лукашэнкі запісалі песню «Надо!» з Дзім Дзімычам, Саладухам і Ярмоленкам
Цяпер чытаюць
Рэдактара незалежнай баранавіцкай газеты «Інтэкс-Прэс» Янукевіча прысудзілі да 14 гадоў калоніі, яго намесніка Пакаленку — да 12 гадоў6
Каментары