Кім Чэн Ына пераабралі на пасаду генеральнага сакратара Працоўнай партыі КНДР
«Высакародны свет самаадданага служэння народу таварыша Кім Чэн Ына зачароўвае ўсіх людзей і яшчэ ярчэй праслаўляе нашу Радзіму як сапраўдную народную краіну», — гаворыцца ў пастанове партыі.
Кім Чэн Ына пераабралі на пасаду генеральнага сакратара Працоўнай партыі КНДР.
«Пад умелым і выпрабаваным кіраўніцтвам усепераможнай Працоўнай партыі Карэі сёння наша рэвалюцыйная справа па ўсебаковым будаўніцтве сацыялізму энергічна прасоўваецца наперад, ствараючы надзвычайнымі тэмпамі нябачаныя цуды», — гаворыцца ў пастанове партыі.
«На з’ездзе, які праходзіць у гады хвалюючай барацьбы, калі здзяйсняюцца нябачаныя ў гісторыі развіцця Рэспублікі грандыёзныя эпахальныя змены, адважна пераадольваючы ўсялякія гістарычныя выклікі і цяжкасці, усе нашы партыйцы і народ прымуць найважнейшую пастанову аб выбарах кіраўніка ТПК — цэнтра кіраўніцтва і згуртаванасці, што ўвасабляе ў сабе арганізацыйную волю ўсёй партыі.
Выбары кіраўніка ТПК, які займае адказную пасаду для вядзення справы сацыялізму да перамогі на чале дзяржавы і народа, з’яўляюцца найважнейшай справай, ад якой залежаць кіраўнічая сіла партыі і будучыня Радзімы і народа, і маюць найбольшае значэнне ў працы партз’езда — вышэйшага кіраўнічага органа партыі. (…) Высакародны свет самаадданага служэння народу таварыша Кім Чэн Ына зачароўвае ўсіх людзей і яшчэ ярчэй праслаўляе нашу Радзіму як сапраўдную народную краіну», — гаворыцца ў пастанове партыі.
Кім Чэн Ын займае некалькі пасадаў у КНДР. У снежні 2011 года ён заняў пасаду найвышэйшага кіраўніка КНДР і вярхоўнага галоўнакамандуючага, з 2016‑га ён старшыня Дзяржаўнай рады і ў тым годзе ўзначаліў Працоўную партыю КНДР, а пасада генсакратара была ўведзена ў 2021 годзе.
Сям'я Кімаў кіруе краінай на працягу 75 гадоў, з 1950 года. Кім Чэн кіраваў КНДР з 1950 па 1994 года, ягоны сын Чэн Ір у 1994—2011, Кім Чэн з 2011 года.
Кім Чэн Ыну — 44 гады, але апошнім часам часта пішуць, што ён рыхтуе ў пераемніцы сваю Кім Чжу Э, якой зараз 13 гадоў.
З лістапада 2022 года Кім Чжу Э пачала з’яўляцца на публіцы, часта суправаджаць свайго бацьку на мерапрыемствах і згадвацца ў паўночнакарэйскіх СМІ.
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага29
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары