Насупраць ЗАГСа Савецкага раёна Мінска адкрылася тэматычная зона адпачынку «Шлях да шчасця»
На вуліцы Гамарніка ў Мінску скончылася рэканструкцыя бульвара. Канцэпцыя абноўленага сквера заснавана на эвалюцыі адносін — ад знаёмства да стварэння сям'і, пішуць «Мінск-Навіны».
Што з'явілася ў новай лакацыі? Яе госці праходзяць праз тры арт-аркі, якія сімвалізуюць знаёмства, зараджэнне кахання і стварэнне сям’і.
Спецыяльна для сквера навучэнцы Мінскага дзяржаўнага каледжа рамёстваў і дызайну імя М. Кедышкі вырабілі ажурныя лаўкі з фігуркамі белых галубоў, а таксама разную альтанку.
У зоны ўсталяваны падвесныя арэлі і кашпо ў форме заручальных пярсцёнкаў і сэрцаў, масток для фотасесій, а таксама «Дрэва жыцця» для памятных замочкаў ад маладых.
У альтанцы з'явілася спецыяльная кніжная шафа ў выглядзе вясковай хаткі, дзе можна бясплатна абмяняцца кнігамі.
У скверы высадзілі больш за тысячу белых і ружовых руж, усталявалі 52 лаўкі розных тыпаў, 9 арэляў, 5 велапарковак і праклалі веладарожкі.
Каментары
[Зрэдагавана]