Супрацоўнікі міліцыі, якія трапілі ў ДТЗ у Кобрыне, шпіталізаваныя
Па версіі міліцыі, яны ўдзельнічалі ў пагоні за п'янай жанчынай за рулём. Відэа пагоні не паказалі.
У Кобрыне п'яная жанчына зладзіла пагоню з міліцыяй і сутыкненне, агучылі версію кобрынскага ДТЗ у МУС. Там адно міліцэйскае аўто перакулілася, другое — урэзалася ў ступ.
Па версіі МУС, каля 00:15 у РАУС паступіла паведамленне, што па вуліцы Дзяржынскага ездзіць нецвярозы кіроўца, які стварае пагрозу.
Машыну знайшлі, але яна не спынілася — пачаўся пераслед з уключанымі маячкамі, распавялі ў МУС.
«Пры затрыманні парушальніка на скрыжаванні вуліц Мікалаева і Дзяржынскага адбылося сутыкненне службовага транспарту», — паведамілі ў МУС.
За стырном апынулася 52‑гадовая жыхарка Кобрынскага раёна. Агляд паказаў 0,8 праміле.
Супрацоўнікі міліцыі дастаўленыя ў бальніцу. Ніякага відэа пагоні апублікавана не было.
Каментары