Эксгумацыя адбылася на могілках у Ратэрдаме.
Заснавальнік Арганізацыі ўкраінскіх нацыяналістаў 1930‑х гадоў Яўген Канавалец будзе перапахаваны ў Кіеве Пра гэта паведаміў Офіс прэзідэнта Украіны.
Эксгумацыя адбылася на могілках у Ратэрдаме. Каардынацыяй вяртання парэшткаў Канавальца ва Украіну займаюцца кіраўнік Офіса прэзідэнта Кірыл Буданаў і міністр замежных спраў Андрэй Сібіга.
Цырымонія развітання пройдзе ў грэка-каталіцкім Патрыяршым саборы Уваскрасення Хрыстовага ў Кіеве, пасля чаго прах Канавальца пахаваюць на Нацыянальных мемарыяльных ваенных могілках. Дата цырымоніі пакуль не называецца.
Падчас Грамадзянскай вайны Яўген Канавалец камандаваў фармаваннямі Сечавых стральцоў. Пасля 1920 года ў эміграцыі ён стаў адным з лідараў украінскіх нацыяналістаў, а ў 1929 годзе стварыў Арганізацыю ўкраінскіх нацыяналістаў (АУН).
У 1938 годзе Канавалец быў забіты ў выніку выбуху бомбы. Яго забойства арганізаваў супрацоўнік НКВД Павел Судаплатаў, які пазней кіраваў аперацыяй па забойстве Льва Троцкага.
У маі ва Украіне на Нацыянальных мемарыяльных ваенных могілках перапахавалі іншага лідара АУН — Андрэя Мельніка.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары