У Беларусі разглядаюць магчымасць абмежавання цэнаў на таксі ў крызісных сітуацыях. Гэтае пытанне абмяркоўвалася на нарадзе ў Міністэрстве антыманапольнага рэгулявання і гандлю з удзелам прадстаўнікоў дыспетчарскіх службаў, перавозчыкаў і дзяржаўных органаў.
Нагодай для дыскусіі сталі праблемы, якія ўзніклі ў студзені падчас бушавання цыклону «Улі». Тады на лінію выходзіла толькі каля 60% звычайнай колькасці аўтамабіляў, час чакання таксі павялічыўся прыкладна ў два з паловай разы, а колькасць паездак скарацілася да 70%. Пры гэтым цэны для пасажыраў выраслі ў паўтара-тры разы.
Па выніках сустрэчы МАРГ прапанавала вывучыць магчымасць заключэння спецыяльных пагадненняў паміж міністэрствам і службамі таксі. Мэта такіх дакументаў — замацаваць прынцыпы сацыяльна адказных паводзін на рынку пасажырскіх перавозак.
Плануецца, што гэтыя пагадненні будуць рэгуляваць працу таксі не толькі падчас экстрэмальных умоў надвор'я, але і ў перыяд правядзення буйных міжнародных мерапрыемстваў. У іх могуць увайсці палажэнні аб абмежаванні тарыфаў у часы пікавага попыту, а таксама абавязацельствы па інфармацыйным узаемадзеянні і ўдзеле ў сацыяльных ініцыятывах.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары