Дзяўчыну ўдарыла токам у мінскім тралейбусе — цяпер яна ляжыць у кардыялогіі
Дзіяна не чакала, што ў свае 25 будзе мець праблемы з сэрцам. Але нядаўна яна трапіла ў бальніцу — пасля паездкі на звычайным мінскім тралейбусе.
Пра свае прыгоды Дзіяна расказвае ў тыкток-акаўнце. Паводле яе слоў, усё адбылося 27 студзеня прыкладна а 16.45.
Знаходзячыся на прыпынку «Цэнтр міласэрнасці», дзяўчына паспрабавала зайсці ў тралейбус №44. Яна ўбачыла, што ў задніх дзвярах тралейбуса ўпаў хлопец, але падумала, што ён проста п'яны — цяпер дзяўчына думае, што яго ўдарыла токам.
Тое, што здарылася з ёй праз некалькі секунд, Дзіяна апісвае словамі «мяне літаральна прымагніціла да поручня:
«Як толькі я ўзялася за поручань і ступіла на платформу, мяне проста прашыбла. Гэта быў пякельны боль. Мяне пачало трэсці, і ў галаве толькі адна думка — гэта ток. Далей пустата.
Апрытомнела я ўжо ў сярэдзіне салона. Людзі сказалі, што я страшна крычала і нейкі мужчына літаральна адцягнуў мяне ад дзвярэй».
Гэтыя адчуванні яна не хутка забудзе:
«Цягліцы скруціла, нагу паралізавала на месцы. Калі б не мужчына-пасажыр, які мяне адцягнуў, не ведаю, што б са мной было».
У шокавым стане дзяўчына ўсё ж здолела падняцца і паехаць далей па сваіх справах. Але недзе праз гадзіну яна апынулася дома і зразумела, што адчувальнасць у назе дагэтуль не вярнулася. Тады Дзіяна выклікала хуткую дапамогу, і яе шпіталізавалі.
Дзіяна трапіла на лячэнне ў мінскую бальніцу №4. Там у яе выявілі праблемы з сэрцам, апёкі і траўму галенастопа.
У тыктоку Дзіяна публікуе здымкі свайго танометра. На адным з іх зафіксаваны ціск 159/95 і пульс 108, то-бок паказчыкі моцна павышаныя.
Беларуска дагэтуль на лячэнні. Да яе ўжо прыходзілі ў бальніцу следчы і міліцыянер, каб пагаварыць пра здарэнне, і сама Дзіяна не хоча пакідаць гэтую гісторыю без адказаў. Дзяўчына піша ў каментарах, што пасля выпіскі з бальніцы яна плануе ісці ў суд.
Выглядае, што ёй давядзецца лячыць пасля падзеі не толькі цела, але і душу:
«Дактары спрабуюць уціхамірыць ціск і аднавіць сардэчны рытм жменямі таблетак. Цяпер я абвешаная датчыкамі: сёння паставілі СМАД, да гэтага быў холтэр […]
Кожную ноч я зноў і зноў вяртаюся ў той момант, момант удару токам. Суседка па палаце кажа, што я крычу ў сне і кідаюся па ложку. Маё цела проста не можа забыць той жах».
«Наша Нiва» — бастыён беларушчыны
ПАДТРЫМАЦЬ«З мяне нічога не возьмеш, а людзі пацярпелі». Пара пенсіянераў другі год не можа выпісаць з мінскай кватэры шматдзетную сям'ю эмігрантаў
Заснавальніца беларускай IT-кампаніі атрымала страшэнныя траўмы на гарналыжным курорце ў Грузіі
Былога намесніка старшыні БНФ Анатоля Фёдарава разбіў інсульт проста падчас стрыму Пятрухіна
Цяпер чытаюць
«Кайлас, я іду». Што за беларуска знікла ў жудасным селі ў Непале9
Каментары
маўчу