Экспазіцыі ставіць пачнуць бліжэй да вясны.
У Мінску працягваецца будаўніцтва Нацыянальнага гістарычнага музея.
Максім Котаў, дырэктар дырэкцыі па будаўніцтве музея, расказаў на СТБ пра ход работ: «Пяць паверхаў выведзена. Яшчэ ідуць аздобныя працы, плітку кладуць, але ў асноўным каркас скончаны».
«Работы мастацкага камбіната па экспазіцыі ўжо пачаты. Праца мастакоў на аб'екце па стварэнні экспазіцыйных залаў, я думаю, пачнецца бліжэй да вясны», — дадаў ён.
Адначасова ідзе праектаванне і будаўніцтва будучага музея. У арцы перад музеем змянілі матэрыялы, каб атрымалася танней.
У 2025 годзе на будаўніцтва музея патрацілі каля 90 мільёнаў рублёў. Вылучана было 86 мільёнаў, плюс каля 5 мільёнаў перадалі з суботніка.
Нагадаем, музей будзе знаходзіцца ў раёне вуліцы Арлоўскай, а будынак паўторыць контур Беларусі. На фасадзе новага музея змесцяць знакавых для Беларусі асоб, якіх узгаднілі афіцыйныя ўлады — ні князь Вітаўт, ні пісьменнік Васіль Быкаў, ні паўстанец Кастусь Каліноўскі, напрыклад, туды не ўвайшлі. Пабудаваць музей планавалі да 2027 года.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары