Трамп: Мы павінны абавязкова перамагчы на выбарах у Кангрэс, інакш пагражае імпічмент
Прэзідэнт ЗША Дональд Трамп заявіў, што Рэспубліканская партыя абавязкова павінна перамагчы на прамежкавых выбарах у Кангрэс ЗША ў 2026 годзе. У адваротным выпадку, як ён мяркуе, дэмакраты пачнуць працэдуру імпічменту яму. Пра гэта Трамп сказаў падчас сустрэчы з рэспубліканскімі заканадаўцамі ў Вашынгтоне, піша «Еўрапейская праўда».
Трамп адзначыў, што дэмакраты, на ягоную думку, больш падступныя за рэспубліканцаў, і яны ў любым выпадку знойдуць нагоду, каб ініцыяваць імпічмент. Ён падкрэсліў, што без перамогі на выбарах яму пагражае спроба адхілення ад пасады.
Прамежкавыя выбары ў ЗША адбудуцца сёлета ў лістападзе: тады будзе пераабраны ўвесь склад Палаты прадстаўнікоў і трэцяя частка Сената. Пры гэтым для рэальнага адхілення прэзідэнта ад пасады патрэбная падтрымка дзвюх трацін сенатараў, што выглядае малаверагодным, бо нават пры самым неспрыяльным выніку рэспубліканцы захаваюць каля паловы месцаў у Сенаце.
Дональд Трамп ужо ўвайшоў у гісторыю як першы прэзідэнт ЗША, якому двойчы аб’яўлялі імпічмент, але ў абодвух выпадках гэта не прывяло да яго адхілення ад пасады.
Каментары
Калі поўны швах ва ўнутраных справах, любы амерыканскі прэзідэнт ідзе ў знешнюю палітыку. Але і тут нешта не асабліва клеіцца. Таму кідаюцца што дня з края ў край.