Пры ўдары па Хорлах загінуў начальнік акупацыйнай паліцыі суседняга горада
Невядома, ці была з ім ягоная жонка, віцэ-мэр акупаванай Новай Кахоўкі.
Расійскія ўлады апублікавалі спіс дзевяці чалавек, чые целы былі апазнаныя сярод загінулых на месцы ўдару па гатэлі і кавярні ў акупаваных Хорлах Херсонскай вобласці.
Сярод загінулых быў 56‑гадовы Сяргей Боган. Ён узначальваў паліцыю ў суседнім Каланчаку — фармальна гэта пасёлак, але колькасцю насельніцтва, каля 10 тысяч чалавек, адпавядае гораду.
Боган родам з Крыма, доўгі час працаваў ва ўкраінскай міліцыі, узначальваў адзін з аддзелаў крымінальнага вышуку. Пасля акупацыі Крыма перайшоў на бок Расіі. Калі ж пачалася поўнамаштабная вайна, Богана прызначылі ў паліцыю ў акупаванай частцы Херсоншчыны — спачатку ў Генічэск, а пасля ў Каланчак.
Украінскія СМІ паведамляюць, што ён датычны да выкраданняў і катаванняў жыхароў раёна.
Жонка Богана займае пасаду намесніцы мэра акупаванай Новай Кахоўкі. Ці была яна на навагоднім святкаванні ў Хорлах і калі так, то ці выжыла, невядома.
Чытайце таксама: Колькасць загінулых у кавярні ў акупаваных Хорлах вырасла да 27, але Украіна адмаўляе датычнасць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары