Прэзідэнт Украіны гатовы да сустрэчы з Уладзімірам Пуціным у любым фармаце, аднак важна, каб дзеянні і словы лідара Расіі супадалі. Пра гэта Зяленскі заявіў падчас анлайн-брыфінгу, піша УНІАН.
Ён адзначыў, што выглядае «крыху дзіўна», калі Пуцін кажа прэзідэнту ЗША Дональду Трампу, што хоча скончыць вайну і што гэта нібыта яго жаданне, а адначасова ў медыя заяўляе, што хоча і гатовы працягваць вайну.
«Ён б’е па нас ракетамі, адкрыта пра гэта кажа, радуецца вынікам знішчэння грамадзянскай інфраструктуры, аддае нейкія загады сваім генералам — куды ісці, што захопліваць і г.д.», — падкрэсліў Зяленскі.
Паводле яго слоў, такія дзеянні Пуціна не супадаюць з нібыта мірнай рыторыкай, якую той выкарыстоўвае ў дыялогу з Трампам.
«Я сказаў прэзідэнту ЗША, што, на мой погляд, усе гэтыя пасланні маюць крыху розны характар. Але яшчэ раз: як сустракацца, у якім фармаце дамаўляцца — нам усё роўна. Мы гатовыя. Важна, каб дзеянні і словы лідара Расіі супадалі», — падкрэсліў прэзідэнт Украіны.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну16
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары