Святлану Ціханоўскую ў інтэрв'ю SBS Russian спыталі, ці застаўся супраціў у Беларусі і пра ролю беларусаў у вайне Расіі супраць Украіны.
Святлана Ціханоўская запэўнівае, што беларускі супраціў, беларускі дэмакратычны рух — гэта не толькі палітычная дыпламатыя за мяжой.
«Гэта штодзённая праца смелых людзей унутры краіны, бо менавіта яны складаюць касцяк нашага супраціву. Сёння рух гарызантальны і дэцэнтралізаваны. У краіне немагчыма адкрыта пратэставаць, таму супраціў прыняў іншыя формы. Беларускія партызаны, кіберактывісты, валанцёры, журналісты — усе мы робім адну агульную справу. Наша незалежнасць пад пагрозай, свабода пад пагрозай. І любы акт салідарнасці паказвае: нават пад поўным кантролем дыктатуры беларусы не здаліся», — кажа яна.
Ціханоўская згадала, што з першых дзён вайны беларусы паказвалі, што яны не саўдзельнікі агрэсіі, а яе праціўнікі.
«Менавіта беларускія партызаны і кіберактывісты ў 2022 годзе запаволілі перакідку расійскіх войскаў і тэхнікі па нашай тэрыторыі. Гэта быў акт грамадзянскай мужнасці — асабліва пасля двух гадоў жорсткіх рэпрэсій», — кажа яна.
Ціханоўская дадае, што і зараз людзі ў Беларусі працуюць у падполлі — хтосьці вядзе інфармацыйны супраціў, хтосьці дапамагае сем'ям палітвязняў, хтосьці дакументуе злачынствы рэжыму і расійскіх вайскоўцаў. «І я хачу падкрэсліць, што гэта ўсё ж такі акт мужнасці, бо за любы супраціў, за любую салідарнасць з палітвязнямі людзей могуць пасадзіць у турму на гады і гады. Гэта не месяцы і дні, гэта пяць, 10, 15 гадоў», — падкрэслівае яна.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку27
Каментары