Бабарыка дакладна не ведае, як атрымаў траўмы ў калоніі, бо быў без прытомнасці
«Я не ведаю, у выніку чаго гэта адбылося. Бо гэта здарылася пасля таго, як я страціў прытомнасць».
Як вядома, у 2023‑м годзе Віктар Бабарыка патрапіў у лякарню з вадкасцю ў лёгкіх. Тады гаварылі, што яго збілі. Падчас прэс-канферэнцыі вывезеных ва Украіну палітвязняў, Віктара Бабарыку папрасілі расказаць, што ж напраўду тады адбылося. І папрасілі пракаментаваць чуткі пра ціск на яго.
«У 2023 годзе ў рамках, я б сказаў, умоў утрымання ў мяне пачалі здарацца страты прытомнасці, некантраляваныя. І падчас адной са страт прытомнасці я ачуняў, і ў мяне была ў выніку, зламаная рабрына, прабітае лёгкае, двухбаковае запаленне лёгкіх і, па-мойму, 23 рассячэнні чэрапа, — расказаў Бабарыка. —
Каментаваць гэта, я пацвярджаю — я пісаў, і кажу шчыра: я не ведаю, у выніку чаго гэта здарылася, бо гэта здарылася пасля таго, як я страціў прытомнасць. Казаць «я ўдарыўся» ці «мяне збівалі», я не магу, бо напраўду падчас непрытомнага стану я не ведаю, што са мной адбывалася. Але факт застаецца фактам».
Я, як і Маша, вельмі ўдзячны медыкам Наваполацка, бо яны рэальна паспелі мяне (я ўжо быў на кіслародзе ўвечары) прывезці і зрабіць аперацыю і адпампаваць вадкасць з лёгкага. І потым мяне перавялі ў рэспубліканскую бальніцу, дзе таксама была аказана прафесійная добрая вельмі дапамога.
Таму вось гэты, умоўна кажучы, момант прычыны я не ведаю, але наступнае, то бок далейшае тое, што было мне зроблена, было зроблена прафесійна, на высокім дастаткова ўзроўні. І зноў жа, я магу сказаць, што пасля гэтага выпадку ў мяне не было ўмоў, пры якіх бы адбывалася страта прытомнасці».
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары
Таму адзіным тлумачэннем з'яўляецца тое што яму нейкім чынам давалі адмысловыя прэпараты (магчыма з ежай), якія выклікаюць страту прытомнасці, а пасля ўжо ў непрытомным стане яго збівалі, каб ён не мог абараніцца або крычаць пра дапамогу. Здаецца, гэта была спроба забойства.