У СМІ з'явілася поўная версія «мірнага плана» прэзідэнта ЗША Дональда Трампа. Яе першым апублікаваў народны дэпутат Украіны Аляксей Ганчарэнка.
1. Суверэнітэт Украіны будзе пацверджаны.
2. Паміж Расіяй, Украінай і Еўропай будзе заключанае поўнае і усёахопнае пагадненне аб ненападзе. Усе неадназначнасці апошніх 30 гадоў будуць лічыцца ўрэгуляванымі.
3. Чакаецца, што Расія не будзе ўрывацца ў суседнія краіны, а НАТА не будзе пашырацца далей.
4. Будзе праведзены дыялог паміж Расіяй і НАТА пры пасярэдніцтве ЗША для вырашэння ўсіх пытанняў бяспекі і стварэння ўмоў для дээскалацыі, каб гарантаваць глабальную бяспеку і павялічыць магчымасці для ўзаемадзеяння і будучага эканамічнага развіцця.
5. Украіна атрымае надзейныя гарантыі бяспекі.
6. Колькасць Узброеных сіл Украіны будзе абмежаваная 600 000 чалавек.
7. Украіна пагаджаецца замацаваць у сваёй канстытуцыі, што яна не далучыцца да НАТА, а НАТА згаджаецца ўключыць у свае статуты палажэнне аб тым, што Украіна не будзе прынятая ў будучыні.
8. НАТА згаджаецца не размяшчаць войскі ва Украіне.
9. Еўрапейскія знішчальнікі будуць размешчаныя ў Польшчы.
10. Гарантыя ЗША:
- ЗША атрымаюць кампенсацыю за гарантыю.
- Калі Украіна ўрываецца ў Расію, яна страціць гарантыю.
- Калі Расія ўрываецца ва Украіну, акрамя рашучага скаардынаванага ваеннага адказу будуць адноўленыя ўсе глабальныя санкцыі, прызнанне новай тэрыторыі і ўсе іншыя перавагі гэтай угоды будуць скасаваныя.
- Калі Украіна без прычыны выпусціць ракету па Маскве ці Санкт-Пецярбургу, гарантыя бяспекі будзе лічыцца несапраўднай.
11. Украіна мае права на сяброўства ў ЕС і атрымае кароткатэрміновы прэферэнцыйны доступ на еўрапейскі рынак, пакуль гэтае пытанне разглядаецца.
12. Магутны глабальны пакет мер па аднаўленні Украіны, які ўключае, але не абмяжоўваецца:
a. стварэнне Фонду развіцця Украіны для інвеставання ў галіны, якія хутка растуць, уключаючы тэхналогіі, цэнтры апрацоўкі даных і штучны інтэлект.
b. ЗША будуць супрацоўнічаць з Украінай для сумеснага аднаўлення, развіцця, мадэрнізацыі і эксплуатацыі газавай інфраструктуры Украіны, уключаючы трубаправоды і сховішчы.
c. сумесныя намаганні па аднаўленні тэрыторый, якія пацярпелі ад вайны, для аднаўлення, рэканструкцыі і мадэрнізацыі гарадоў і жылых раёнаў.
d. развіццё інфраструктуры.
e. здабыча карысных выкапняў і прыродных рэсурсаў.
f. Сусветны банк распрацуе спецыяльны пакет фінансавання для паскарэння гэтых намаганняў.
13. Расія будзе рэінтэграваная ў сусветную эканоміку:
a. зняцце санкцый будзе абмяркоўвацца і ўзгадняцца паэтапна і індывідуальна.
b. ЗША заключаць доўгатэрміновае пагадненне аб эканамічным супрацоўніцтве з мэтай узаемнага развіцця ў сферах энергетыкі, прыродных рэсурсаў, інфраструктуры, штучнага інтэлекту, цэнтраў апрацоўкі даных, праектаў па здабычы рэдказямельных металаў у Арктыцы і іншых узаемавыгадных карпаратыўных магчымасцях.
c. Расія будзе запрошаная вярнуцца ў G8.
14. Замарожаныя сродкі будуць выкарыстаныя наступным чынам: 100 мільярдаў даляраў замарожаных расійскіх актываў будуць інвеставаныя ва ўзначаленыя ЗША намаганні ў аднаўленні і інвеставанні ва Украіну. ЗША атрымаюць 50% прыбытку ад гэтага прадпрыемства. Еўропа дадасць 100 мільярдаў даляраў, каб павялічыць аб'ём інвестыцый, даступных для аднаўлення Украіны. Замарожаныя еўрапейскія сродкі будуць размарожаныя.
Астатняя частка замарожаных расійскіх сродкаў будзе інвеставаная ў асобны амерыканска-расійскі інвестыцыйны інструмент, які будзе рэалізоўваць сумесныя праекты па пэўных напрамках. Гэты фонд будзе накіраваны на ўмацаванне адносін і павелічэнне агульных інтарэсаў, каб стварыць моцную матывацыю не вяртацца да канфлікту.
15. Будзе створана сумесная амерыканска-расійская працоўная група па пытаннях бяспекі для садзейнічання і забеспячэння выканання ўсіх палажэнняў гэтага пагаднення.
16. Расія замацуе заканадаўча палітыку ненападу на Еўропу і Украіну.
17. ЗША і Расія дамовяцца падоўжыць дзеянне дамоў аб нераспаўсюджванні ядзернай зброі і кантролі над ёй, уключаючы дагавор СНУ-1.
18. Украіна згаджаецца быць бяз'ядзернай дзяржавай у адпаведнасці з Дамовай аб нераспаўсюджванні ядзернай зброі.
19. Запарожская атамная электрастанцыя будзе запушчаная пад наглядам МАГАТЭ, а вырабленая электраэнергія будзе размяркоўвацца пароўну паміж Расіяй і Украінай — 50:50.
20. Абедзве краіны абавязваюцца ўкараняць адукацыйныя праграмы ў школах і грамадстве, накіраваныя на разуменне і талерантнасць да розных культур і ліквідацыю расізму і прадузятасцяў:
а. Украіна прыме правілы ЕС па рэлігійнай талерантнасці і абароне моўных меншасцяў.
b. абедзве краіны дамовяцца адмяніць усе дыскрымінацыйныя меры і гарантаваць правы ўкраінскіх і расійскіх СМІ і адукацыі.
c. Уся нацысцкая ідэалогія і дзейнасць павінны быць адпрэчаныя і забароненыя.
21. Тэрыторыя:
a. Крым, Луганск і Данецк будуць прызнаныя дэ-факта расійскімі, уключаючы Злучанымі Штатамі.
b. Херсон і Запарожжа будуць замарожаныя па лініі сутыкнення, што будзе азначаць дэ-факта прызнанне па лініі сутыкнення.
c. Расія адмаўляецца ад іншых узгодненых тэрыторый, якія яна кантралюе за межамі 5 рэгіёнаў.
d. Украінскія сілы выводзяцца з часткі Данецкай вобласці, якую яны цяпер кантралююць, і гэтая зона адводу будзе лічыцца нейтральнай дэмілітарызаванай буфернай зонай, міжнародна прызнанай як тэрыторыя, якая належыць Расійскай Федэрацыі. Расійскія сілы не ўвойдуць у гэтую дэмілітарызаваную зону.
22. Пасля ўзгаднення будучых тэрытарыяльных дамоўленасцяў і РФ, і Украіна абавязваюцца не мяняць гэтыя дамоўленасці сілавым спосабам. Любыя гарантыі бяспекі не будуць прымяняцца ў выпадку парушэння гэтага абавязацельства.
23. Расія не будзе перашкаджаць выкарыстанню Украінай ракі Дняпро для камерцыйнай дзейнасці, і будуць дасягнутыя дамоўленасці аб свабоднай транспарціроўцы збожжа праз Чорнае мора.
24. Будзе створаны гуманітарны камітэт для вырашэння адкрытых пытанняў:
a. усе тыя, хто засталіся ў палоне і целы будуць абменены па прынцыпе «усе на ўсіх».
b. усе цывільныя затрыманыя і закладнікі будуць вернутыя, уключаючы дзяцей.
c. будзе рэалізаваная праграма ўз'яднання сем'яў.
d. будуць прынятыя меры для палягчэння пакут ахвяр канфлікту.
25. Украіна правядзе выбары праз 100 дзён.
26. Усе бакі, уключаныя ў гэты канфлікт, атрымаюць поўную амністыю за дзеянні падчас вайны і пагодзяцца не прад'яўляць прэтэнзій і не разглядаць скаргі ў далейшым.
27. Гэта пагадненне будзе юрыдычна абавязковым. Яго выкананне будзе кантралявацца і гарантавацца радай міру, узначаленай прэзідэнтам Дональдам Трампам. За парушэнні будуць прадугледжаныя санкцыі.
28. Пасля ўзгаднення ўсіх бакоў з гэтым мемарандумам спыненне агню ўступіць у сілу неадкладна пасля таго, як абодва бакі адыдуць да ўзгодненых пунктаў для пачатку выканання пагаднення.
Цяпер чытаюць
Затрыманы экс-кіраўнік РРБ-Банка Віталь Дранкевіч, у мінулым сам следчы1
Каментары