Беларусь увайшла ў спіс ключавых экспартных рынкаў для кітайскай прадукцыі «грыбы і труфелі, прыгатаваныя або кансерваваныя без дадавання воцату або воцатнай кіслаты», піша Myfin.by.
Паводле інфармацыі Галоўнага мытнага ўпраўлення КНР, у студзені — верасні 2025 года сукупны аб'ём экспарту з Кітая па гэтай пазіцыі склаў $481,5 мільёна.
Асноўным рынкам збыту для кітайскіх прыгатаваных / кансерваваных грыбоў з'яўляецца Расія — $77,3 мільёна. Далей ідуць Паўднёвая Карэя ($44,3 мільёна), Японія ($34,1 мільёна), Філіпіны ($27,7 мільёна), Сінгапур ($21,8 мільёна), Малайзія ($20,5 мільёна).
Беларусь уваходзіць у топ-10 пакупнікоў і займае 7‑е месца ў спісе ($17,4 мільёна ў студзені-верасні 2025 года).
Пры гэтым па выніках 2024 года Беларусь займала 6‑е месца ($28,6 мільёна).
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачнула ў Геленджыку і дзеліцца эмоцыямі6
«Паездкай мы задаволеныя, але сівых валасоў дадалося». Жыхарка Светлагорска адпачнула ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары