Узброеныя Сілы Украіны заяўляюць, што ўвечары 5 лістапада ў раёне часова акупаванага Данецка была знішчана база, якая выкарыстоўвалася для захоўвання, камплектавання і запуску расійскіх дронаў-камікадзэ «шахед».
Аб паспяховым агнявым паражэнні аб'екта ў раёне былога Данецкага аэрапорта паведаміў Роберт «Мадзьяр» Броўдзі, камандуючы Сіл беспілотных сістэм УСУ.
Паводле слоў Броўдзі, сумесную аперацыю ў раёне часова акупаванага Данецка правялі Сілы спецаперацый, Ракетныя войскі і артылерыя Украіны, і брыгадная разведка асобнай брыгады беспілотных сістэм «Птахі Мадзьяра».
«Распрацоўка гэтай складанай цэлі ператварылася ў шматмесячную карпатлівую разведвальную аперацыю, сабраную з дробных пазлаў; гэтай ноччу была рэалізавана адпаведнымі сродкамі ўздзеяння», — напісаў Мадзьяр.
Па інфармацыі канала «Дасье шпіёна», на тэрыторыі аэрадрома знаходзілася да 1000 дронаў «Герань-2» і больш за 1500 баявых часцей.
Цалкам знішчаны склад боекамплектаў, склад паліва і пункт перадстартавай падрыхтоўкі беспілотнікаў.
Нагадаем, увечары 5 лістапада ў часова акупаваным Данецку прагрымелі выбухі, у сацсетках з’явілася відэа пажару.
-
У Чарнаўцах падчас ускрыцця цела вайскоўца, перададзенага ў рамках абмену з РФ, выявілі гранату
-
З’явіліся спадарожнікавыя здымкі з наступствамі ўдару ракет па бранскім заводзе мікраэлектронікі — ён разбураны
-
Расійскія ваенкары заяўляюць, што страты дасягнулі непрымальнага ўзроўню. «Чакае нас рэмейк восені 2022 года»
Каментары