Ці можа супрацоўнік працаваць без выхадных, калі ён гэтага сам жадае?
Мужчына пагадзіўся папрацаваць у свае выхадныя, але задаўся пытаннем, ці законна гэта, піша «Мінск-Навіны» са спасылкай на прэс-службу ФПБ.
Паводле слоў мужчыны, які звярнуўся з такім пытаннем, ён працуе з панядзелка па пятніцу з 9:00 да 18:00. Прапанову выйсці на працу таксама ў суботу і нядзелю супрацоўнік прыняў і нават паведаміў пра гатоўнасць напісаць пісьмовую згоду пра гэтую дамоўленасць. Аднак перш вырашыў пацікавіцца ў прафсаюзнай арганізацыі, ці законна гэта.
На гэтае пытанне галоўны прававы інспектар працы Мінскага гарадскога аб'яднання прафсаюзаў Ілона Парафенюк адказала адмоўна.
— Не, неправамерна, паколькі наймальніку ў дадзеным выпадку варта кіравацца часткай 8 артыкула 136 Працоўнага кодэкса Рэспублікі Беларусь, у адпаведнасці з якой наймальнік абавязаны прадаставіць работніку выхадныя дні не пазней чым за шэсць рабочых дзён запар, — патлумачыла спецыяліст.
Парафенюк таксама дадала, што, у адпаведнасці з нормай часткі 8 артыкула 136 ПК, абавязак наймальніка па прадастаўленні выхадных дзён узнікае незалежна ад рэжыму рабочага часу супрацоўніка, а таксама ад выражэння ім адпаведнай пісьмовай згоды.
-
«Самага прывабнага саджаеш наперад, і ўсё без палева». Як і за колькі перавозяць у Еўропу нелегальных мігрантаў з беларускай мяжы
-
«Заробак стартаваў з $440». Беларускі расказалі, як працуюць і зарабляюць на Блізкім Усходзе
-
Прадстаўніца Акадэміі навук раскрыла ўзровень нараджальнасці ў Беларусі. Ён жахліва нізкі
Каментары