79‑гадовую пенсіянерку ў Столінскім раёне шукалі 4 дні і знайшлі жывой
79‑гадовая жанчына з вёскі Гарадная Столінскага раёна пайшла ў лес у грыбы, і толькі праз чатыры дні яе знайшлі супрацоўнікі МНС і памежнікі, паведамляе Брэсцкае абласное ўпраўленне МНС. Здарэнне скончылася шчасліва.
Жанчына 1946 года нараджэння раніцай 13 кастрычніка пайшла ў грыбы без мабільнага тэлефона. Яе шукалі чацвёра сутак.
У пошуках былі задзейнічаныя 32 адзінкі тэхнікі і 143 чалавекі. Лясную і забалочаную мясцовасць абследавалі пешыя групы. Па дарогах, прасеках, дамбах ездзіла мота-усюдыходная тэхніка. Для пошукаў быў задзейнічаны таксама беспілотны лятальны апарат.
Днём 17 кастрычніка ратавальнікі сумесна з памежнікамі ўбачылі зніклую жанчыну, якая сядзела на лясной паляне. У медыцынскай дапамозе ўратаваная не мела патрэбы, хоць медыкі яе ўсё ж агледзелі.
Мяркуючы па відэа, апублікаваным на сайце Брэсцкага абласнога ўпраўлення МНС, бабулю вывезлі з лесу на квадрацыкле і ў шлеме.
Цяпер чытаюць
«Самага прывабнага саджаеш наперад, і ўсё без палева». Як і за колькі перавозяць у Еўропу нелегальных мігрантаў з беларускай мяжы4
Каментары