На няфармальнай сустрэчы лідараў Еўрасаюза ў Капенгагене прэзідэнт Францыі Эмануэль Макрон заявіў, што падтрымлівае пазіцыю бельгійскага прэм’ер-міністра Барта дэ Вевера, які крытычна ацаніў прапанову Еўракамісіі пераўтварыць замарожаныя грошы на расійскіх рахунках у бонды ЕС і накіраваць іх на беспрацэнтны крэдыт Украіне. Макрон падкрэсліў, што пры замарожванні актываў неабходна паважаць міжнароднае права, піша The Guardian.
Еўракамісія прапанавала дзеля пакрыцця рызык гарантаваць аблігацыі ўсімі краінамі ЕС, што, паводле юрыстаў, не павінна лічыцца канфіскацыяй. Аднак Францыя занепакоеная магчымымі дадатковымі фінансавымі нагрузкамі: яе дзяржаўны доўг перавышае 3,3 трыльёна еўра, бюджэтны дэфіцыт — 5,4%, а ўрад сутыкаецца з палітычнай нестабільнасцю.
Каб пераканаць Францыю падтрымліваць рэпарацыйны крэдыт у памеры 140 мільярдаў еўра, Еўракамісія прапанавала выкарыстоўваць гэтыя сродкі на закупку еўрапейскай зброі для Украіны. Таксама Украіна павінна забяспечыць абарону гэтых сродкаў ад карупцыі і зрабіць іх карыснымі для еўрапейскай прамысловасці.
Некаторыя краіны ЕС, у тым ліку Германія і Швецыя, выступаюць за больш актыўнае выкарыстанне замарожаных расійскіх актываў для дапамогі Украіне. Мэта ЕС — да канца года дамовіцца пра план, каб выплаты пачаліся з 2026 года.
Цяпер чытаюць
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе2
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю5050
Каментары