Ціханоўская павіншавала Санду з перамогай на парламенцкіх выбарах у Малдове
Святлана Ціханоўская павіншавала прэзідэнта Малдовы Маю Санду і яе партыю з перамогай на парламенцкіх выбарах, якія прайшлі ў нядзелю.
«Малдова выбрала еўрапейскую будучыню. Віншаванні прэзідэнту Маі Санду і PAS з гэтай вызначальнай перамогай, нягледзячы на ўмяшанне Расіі. Як і нашы сябры ў Малдове, беларусы хочуць жыць свабодна, дэмакратычна і па-еўрапейску. Ніякі дыктатар не зможа скрасці нашу агульную будучыню», — напісала Ціханоўская ў Х.
Пасля падліку 97% галасоў, партыя Санду «Дзеянне і салідарнасць» (PAS) набірае 49,7%, што дае ёй 54 з 101 месца ў парламенце. Гэта менш, чым было ў PAS у мінулым складзе парламента — 61 дэпутат.
Прарасійскі «Патрыятычны блок», паводле падлікаў малдаўскай цэнтральнай выбарчай камісіі, сабраў каля 24,5% галасоў, што дае яму 27 дэпутацкіх месцаў
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары