Пуціна здаў яго сябар Ігар Сечын.
Расійскія расследавальнікі Раман Баданін і Міхаіл Рубін у сваёй кнізе «Цар уласнай персонай» расказалі пра пікантны эпізод з жыцця Уладзіміра Пуціна ў 1990-я. Ім пра гэта паведаміў былы блізкі знаёмы лідара Крамля, а тады намесніка кіраўніка Адміністрацыі прэзідэнта Барыса Ельцына, піша BILD.
Як пішуць Баданін і Рубін, Пуцін шукаў месца для сустрэч з палюбоўніцай. На дапамогу яму прыйшоў Ігар Сечын, яго падначалены. Выпадкова ён атрымаў у той час кватэру плошчай нават больш, чым у шэфа. «Прыкладна на чатыры квадратныя метры», — успамінае суразмоўца аўтараў кнігі. Гэта злавала Пуціна, але ён змірыўся, бо Сечын прадастаўляў яму гэтую кватэру кожны раз, калі сам з жонкай сыходзіў з дому.
Усё гэта рабілася таемна ад жонкі Сечына Марыны. Аднаго разу яна вярнулася дадому раней, чым чакалася, і застала ў сваёй кватэры палюбоўніцу Пуціна (сам ён ужо ці сышоў, ці яшчэ не паспеў прыйсці). Натуральна, яна западозрыла ў здрадзе мужа. Той не стаў хлусіць і «здаў» начальніка. А Марына адразу ўсё расказала Людміле Пуцінай, з якой была знаёмая.
Што потым адбылося паміж Людмілай і Уладзімірам, невядома. Афіцыйна яны развяліся толькі ў 2013 годзе.
Сяброўству ж Пуціна з Сечыным гэты эпізод не пашкодзіў. Сечын да гэтага часу лічыцца адным з самых магутных людзей Расіі і ўзначальвае «Раснафту».
Кніга Рамана Баданіна і Міхаіла Рубіна пра Уладзіміра Пуціна выйшла ў ліпені 2025 года.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары