У Лепелі затрымалі паляка, які нібыта здабыў дакументы вучэнняў «Захад-2025»
У сюжэце на Беларускім тэлебачанні паказалі затрыманага «польскага шпіёна». Ён рэальны паляк з Кракава, завуць яго Гжэгаж Гавел, ён 1998 года нараджэння.
Гавел меў пры сабе «Распараджэнне аб арганізацыі падрыхтоўкі і ўдзеле ў ССВ «Захад-2025». Гэта, як сцвярджаецца, раздрукоўка на 8 старонках з грыфам «Сакрэтна». Гэты дакумент яму нібыта перадалі за некалькі хвілін да затрымання.
Затрыманне праводзіла контрразведка КДБ.
Сярод асабістых рэчаў паляка — грошы розных краін, у тым ліку чамусьці балгарскія левы і сім-карта МТС, якую, як сцвярджаецца, ён сам не набываў, а ад кагосьці атрымаў.
Ні беларускай, ні рускай мовамі Гжэгаж Гавел, як выглядае, не валодае.
Таксама ў сюжэце паведамілі, што разам з палякам затрыманыя і грамадзяне Беларусі, якіх, аднак, не паказалі. Тыя грамадзяне нібыта дапамагалі яму за грошы, а адзін раз у якасці падарунку атрымалі дадаткова каву і шакаладкі. Цікавілі паляка звесткі пра закрытыя вайсковыя аб'екты, камандны склад і супрацоўнікаў вайсковай контрразведкі.
На Гавела завялі крымінальную справу па артыкул арт. 358 КК (шпіянаж).
Затрыманым, як высветліла «Наша Ніва», аказаўся 27-гадовы брат-кармеліт з Кракава. Пры затрыманні пры ім знайшлі таксама ружанец і паштоўкі-абразкі.
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары