Усяго некалькі гадоў таму Наталля Немагай бавіла час у любімай Італіі. Але цяпер прамяняла Сіцылію на акупаваны Расіяй Крым, куды ездзіць ужо два гады запар.
Беларуская прапаганда называе Наталлю Немагай адной з першых жанчын-вядучых на АНТ. Яна паспяхова прайшла кастынг каля 20 гадоў таму — і па сёння працуе ў кадры. Немагай вядзе навіны, а таксама праграму «Народный ГОСТ» — дзе з энтузіязмам распавядае, як «улада вырашае праблемы простых людзей».
Летась у інтэрв'ю «СБ. Беларусь сегодня» Наталля расказвала, як у 2020 годзе захавала вернасць не толькі каналу, але і асабіста Лукашэнку:
— Безумоўна, як жанчыне, мне было вельмі цяжка ў той час. Але на сямейнай радзе мы адразу вырашылі: трэба ісці да канца. Хаця ўсялякае бывала… Памятаю, як начавала ў сяброўкі, баялася вяртацца дадому, дзе было небяспечна заставацца. Таму што ўвесь час пісалі, тэлефанавалі, пахавальныя вянкі прыносілі да дзвярэй… Увогуле, рабілі ўсё, каб выбіць з каляіны.
Наталля кажа, што шмат плакала тады і звярталася па маральную падтрымку да Марата Маркава, які ў той час узначальваў АНТ.
Цяпер жа тэлевядучая сцвярджае, што, калі бачыць, што нехта напісаў ёй нешта непрыемнае, дык не чытае і адразу баніць.
Раней Наталля распавядала пра сваю любоў да Італіі і італьянскай мовы, якую старанна вывучала. У тым ліку для таго, каб вандраваць па ўлюблёнай краіне і знаёміцца з яе вялікай культурай.
Нават праца на прапаганду гэтаму не перашкаджала. Яшчэ восенню 2022 года Немагай, якая агучвала на тэлебачанні фэйкі пра жахі жыцця ў Еўрасаюзе, каталася адпачываць на Сіцылію.
Але цяпер месцы для адпачынку ў тэлевядучай змяніліся. Летась яна паехала адпачываць у Ялту. Сёлета таксама адправілася ў акупаваны Расіяй Крым — здымала відэа з чайкай на пляжы Алушты, тусіла ў Ялце, расслаблялася ў тэрмальнай купелі ў японскім садзе «Шэсць пачуццяў». У кампаніі з Наталляй была прадзюсарка АНТ Ілона Хальвіта.
Трэба адзначыць, што Крым — далёка не самы папулярны напрамак сярод прыхільнікаў Лукашэнкі. У большасці выпадкаў яны выбіраюць Турцыю, Егіпет ці Дубай. Значна радзей — Занзібар ці Кубу.
Сёстры Груздзевы якраз цяпер публікуюць шчаслівыя фотаздымкі і відэа з Мальдываў. Там жа адпачывае загадчыца кафедры тэлебачання і радыёвяшчання факультэта журналістыкі БДУ Алеся Кузьмінава — у 2020 годзе яна пагражала «ідэалагічна ненадзейным», а ў 2022 годзе прымушала студэнтаў датэрмінова галасаваць на рэферэндуме.
А нехта з лукашэнкаўцаў не грэбуе адпачыць і ў той самай «жудаснай Еўропе».
Міс Беларусь Элеанора Качалоўская хваліцца адпачынкам у акупаваным Крыме ФОТЫ
Вядучая «Марафону адзінства» ў падтрымку Лукашэнкі адпачывала ў Латвіі
Дзе сёлета адпачываюць Тур, Мірончык-Іванова, вядучая ГУБАЗіКа ды іншыя лукашысты і якія гатэлі яны выбіраюць?
«Я, можа, і не магу паехаць у ваш засраны Парыж…» Лебедзеву зусім не бамбіць у адпачынку
Цяпер чытаюць
Дэпутат Клішэвіч стаў кандыдатам гістарычных навук з дысертацыяй пра разлажэнне беларускага камсамола ў часы «перабудовы»7
Каментары