З'явіўся бясплатны сэрвіс па пошуку вольных зарадных станцый для электрамабіляў
Сэрвіс Belcharge.by стварыла сетка BatteryFly. Анлайн-карта паказвае найбліжэйшыя вольныя і занятыя станцыі для электрамабіляў, паведамляе abw.by.
Сэрвіс адсочвае статус зарадных станцый буйных платформаў: BatteryFly, Malanka, Evika. Тут жа паказаныя і станцыі мабільнай праграмы charge&go. Усе яны размешчаныя на карце ў выглядзе кружкоў з лагатыпам аператара. Калі націснуць на яго, то з’явіцца інфармацыя пра канкрэтнае месцазнаходжанне, якая ўключае тыпы канектараў і магутнасць станцыі.
Па кожнай станцыі сэрвіс паказвае колькасць вольных месцаў, прыводзіць тарыфы, якія дзейнічаюць на абранай станцыі, яны ў залежнасці ад часу сутак могуць адрознівацца. Таксама можна забраніраваць месца: пры націсканні на кнопку «зарадзіся анлайн» сістэма адправіць у праграму таго ці іншага аператара.
У сэрвіс таксама ўбудаваная опцыя выстройвання маршруту з планаваннем прыпынкаў для зарадкі з улікам магчымасцяў электрамабіля. Гэта зручна пры далёкіх паездках, у тым ліку з Мінска ў Брэст, Віцебск ці Браслаў.
На карце Belcharge.by паказаныя зарадныя станцыі па ўсёй Беларусі. У опцыях можна выбраць дэманстрацыю станцый з патрэбнымі раз’ёмамі, тарыфам або вольных на бягучы момант.
Сэрвіс абяцаюць развіваць. Як чакаецца, следам за буйнымі платформамі да яго далучацца і іншыя сеткі зарадных станцый. З’явяцца і новыя функцыі. Belcharge.by цяпер даступны ў фармаце вэб-сайта.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары